KRALENDIJK – Diputado Nina den Heyer resientemente a papia tokante un suma di plaka ku Hulanda a pone disponibel ku por yuda diferente organisashon, entre otro riba tereno kultural. “Bèrdat nos a haña e 192 mil dòler for di Hulanda. Un parti nos ta bai wak kon yuda e museonan, ku a haña nan den e situashon di un sla fuerte debí ku turista no ta bini Boneiru mas. Meskos tambe pa organisashonnan ku tin di aber ku kultura, lo bai sostené nan finansieramente. Por pensa algu paresido na loke a hasi ku media, kaminda nan a haña un kompensashon temporal. Awor ta deliberando pa wak konta bai hasié. Ta bai atendé e proseso, di manera kaminda no mester bai yena yen di papel, loke ta tarda e repartishon di sèn. Nos tin registrashon ofisial di tur instansia i por apliká e asuntu di KVK. Un parti di e sèn tambe ta bai pa yuda kon salbaguardiá nos kosnan di kultura. Aki ta referí na grabashon di dokumental i mas. Nos tin un proyekto tambe ta andando pa wak kon ta bai sigui ku nan. Ya informashon ta kanando pa wak kon ta bai repartí for di e montante menshoná. Ta hasiendo tur esfuerso pa kosnan kana simpel i mas rápido posibel”, diputado den Heyer a bisa.     

Share This
error: Content is protected !!