KRALENDIJK – Un outomobilista hopi desgustá ta pidi pa publiká loke a sosodé kuné i pa gobièrnu kuminsá move. “Diputadonan stòp di sinta den ofisina i kuminsá hasi trabou ku ta boso responsabilidat. Ya pa hopi aña tin ta roga pa e Kayanan di tera aya na Bario Republiek ku ta rekerí atenshon. Algun tempu pasá, a drecha e kaminda ku ta di tera, sinembargo áwaseru a kai i krea un desaster atrobe poko despues ku a drecha e kaminda. E kaminda tin kanal hundu den dje i esaki ta kousa destrukshon na tayer di outo di hende. Esei ta loke a sosodé ku mi 2 dia pasá. No por i mester atendé e kamindanan aki entre otro stabil. E hendenan ku ta biba den Bario Republiek tambe ta paga belasting. Algun siman pasá por a tuma nota kon a drecha algun subida pa bai den e área di Bario Nawati, meskos lo ta bon pa hasi den e área di Bario Republiek. Ta trata di Kaya Ruby, Kaya Amatisia i besindario”, e outomobilista a bisa; hopi fadá ku e asuntu di situashon di kamindanan na Boneiru. Riba potrèt kon el a kibra tayer di outo i situashon di e kaminda.

A drecha algun subida pa bai den e área di Bario Nawati, meskos lo ta bon pa hasi den e área di Bario Republiek
Share This
error: Content is protected !!