KRALENDIJK – E grupo di studiante di ACM Bonaire, a presentá huntu ku otro studiantenan den Reino, solushon kreativo i sostenibel pa nos sektor di aviashon. Esaki ta loke a sosodé despues ku e ministerio di infrastruktura i asuntunan di awa di Hulanda, a reta studiantenan di henter Reino pa bini ku solushon duradero pa buelonan di e islanan ABC. A puntra e studiantenan kua ta e mihó método pa generá energia ku ta nesesario pa remplasá avionnan regular pa avionnan elektróniko òf ‘Hybrid’. Djabièrnè último di un manera virtual studiantenan di ACM Boneiru a presentá nan solushon i a keda selektá komo un di e 5 mihó nan.  

Tin un preshon grandi riba e sektor di aviashon pa bira mas bèrdè, aparte di bira mas bèrdè awor tambe tin un reto nobo kual ta e pandemia di CoViD-19. E situashonnan ta rekerí kreatividat, fleksibilidat i inovashon. Nos studiantenan Boneriano a sa di presentá un solushon bon balansa i inovativo. E presentashon di e studiantenan Boneriano, a demostrá un bes mas kon importante opinion i pensamentu di nos hóbennan ta, den kada desishon ku nos ke tuma pa un futuro duradero di nos isla. 

Pabien na e tim di studiantenan i tambe un pabien na Señor Jacinto Frans, kabes di e skol.  

Alabes un pabien na Bit-lab ku tambe a sali den e mihónan. 

Share This
error: Content is protected !!