KRALENDIJK – Fin di siman ku a pasá, e tim di dominó ‘Nos por’ a presentá nan unifòrm nobo. Ta trata di un tim ku a nase na luna di sèptèmber 2020. Dia 9 di sèptèmber e tim a bira un realidat. Esaki a sosodé na momentu ku Andy Cado a papia ku Edwina Beukenboom i den e kombersashon a yega na e idea pa un tim bira realidat. Asina ‘Nos Por’ a nase. A kuminsá kana e kaminda pa pone tur kos na òrdu pa e tim di dominó menshoná. 12 sèptèmber 2020 i ideanan a bira ofisial i riba e dia aki, nan a hunga promé wega komo tim. Debí na e pandemia di CoViD-19, no tin torneo pa wega di dominó. E tim ta den praktiká, ya nan ta den bon preparashon, pa kontinuá momentu tin wega atrobe. Panaderia Paraguana a mira e seriedat den e grupo i a spònsernan e unifòrm nobo i awor ta kuestion di warda tempu drecha pa wega kuminsá. Riba potrèt momentu ku a presentá unifòrm di e tim i miembronan presente na e okashon.  

Share This
error: Content is protected !!