KRALENDIJK – Djasabra mainta, alrededor di 7:35 notifikashon a drenta na sentral di polis di un aksidente di tráfiko ku a kaba tuma lugá riba kamind’i gurubu na altura di Mal Macho.

Dos outo tabata envolví den e aksidente aki di kual un di e shofùrnan a keda pegá den su vehíkulo.

Vershonnan ku tabata sirkulá na e sitio di testigunan ta indiká ku e vehíkulonan envolví tabata bayendo direkshon Playa. Na dado momentu nan a bai pasa un otro vehíkulo. Ei a surgi un choke ku a pone ku un di e shofùrnan a pèrdè kòntròl riba su stür i a bai dal den un palu di lus. Kuerpo di brantwer ku e vehíkulo di reskate a bini na e sitio pa kòrta e vehíkulo i saka e víktima ku a keda pegá. Despues di a sak’é el a keda transportá ku ambulans pa tratamentu médiko mas avansá na hòspital. Polis di tráfiko i CRS tabata na e sitio i e kaso ta bou di investigashon. Personal di WEB N.V. tambe a keda yamá pa a akudí na e sitio.

Share This
error: Content is protected !!