KRALENDIJK – Awe djadumingu atardi alrededor di 2:30, notifikashon a drenta na warda di polis di kandela den un kas na Kaya Neerlandia na Playa Pabou. Mesora a dirigí unidatnan polisial i di brantwer ku máksimo urgensia pa e adrès.

Te ainda pa motibunan deskonosí ku ta bou di investigashon, tabatin un kandela den e kas. E habitantenan mes a logra di paga e kandela. Kuerpo di Bombero ku a presentá ku dos vehíkulo na e sitio mesora a deskonektá bòternan di gas i chèk si no tabata tin menasa di kandela paden i pafó di e kas. Basta huma ta loke tabata tin rondó di e sitio. No ta konosí kua parti di e kas a sufri daño.

Share This
error: Content is protected !!