KRALENDIJK – Djasabra mardugá alrededor di 2’or, notifikashon a drenta na warda di polis di un vehíkulo ku tabata na kandela den e bario di Nort’i Saliña. Mesora a dirigí patruyanan polisial i brantwer na e sitio. Na yegada di e unidatnan a bin topa un pikòp Mazda koló blanku ku tabata dominá pa vlamnan di kandela. Brantwer ku a yega na e sitio no por a hasi nada mas pa skapa e vehíkulo ku solamente paga e vlamnan di kandela ku awa. For di investigashon ku outoridatnan a hasi na e sitio por a komprondé ku aki probablemente ta trata di un problema familiar di kual uzo di alkohòl por ta e kousa. Por a sinti tambe holó di gasolin na e sitio. Doño di e pikòp a entregá un keho ofisial na warda di polis pa motibu ku tin indikashon ku esaki por ta un insidente intenshonal.

E kaso ta bou di investigashon.

Share This
error: Content is protected !!