KRALENDIJK – Djamars mainta algu promé ku 12’or, notifikashon a drenta na warda di polis di un aksidente di tráfiko ku a kaba tuma lugá na e skina di Kaya Sirena i Kamind’i Djabou. Na yegada di e promé unidat polisial a bin topa ku un pikòp di Fundashon Mariadal i un ‘golfcart’. Investigashon preliminar ku outoridatnan a hasi na e sitio, a bin resultá ku e pikòp tabata biniendo for di nort riba Kamind’i Djabou direkshon Playa (Kaya Neerlandia) i e golfcart tabata na e skina di Kaya Sirena pa subi Kamind’i Djabou. Ounke tin un spil na e skina aki, shofùr di e golfcart diripiente a sali pa subi kaminda nèt na momentu ku e pikòp tabata aserkando. Shofùr di e pikòp a lastra un brek i hala riba su banda kontrali pa purba evitá e choke pero no a logra den su intento i a dal den dje tòg. Shofùr di e ‘golfcart’ tabata levemente heridá i ambulans a transporté pa hòspital pa tratamentu médiko. El a keda tras ku basta spantu. E kaya a keda será pa algun momentu pa tantu CRS i e departamentu di tráfiko por a hasi e demas investigashon.


PICK-UP BOTST TEGEN GOLFKARRETJE

KRALENDIJK – In de middaguren op dinsdag 9 februari vond een aanrijding plaats tussen een golfkarretje en een pick-up op de Kaminda Djabou. De pick-up reed op de Kaminda Djabou richting Kaya Neerlandia. De bestuurder van het golfkarretje reed opeens een zijstraat van de Kaminda Djabou uit, waardoor de pick-up moest remmen en uitwijken,. Dat lukte niet geheel waardoor er een botsing ontstond. De bestuurder van het golfkarretje was gewond en werd met de ambulance naar het ziekenhuis gebracht voor medische behandeling.

Share This
error: Content is protected !!