KRALENDIJK – Durante e enkuentro ku prensa relashoná ku e situashon di BOPEC, e sindikato FEDEBON i USIBO a sinta na mesa. A menshoná ku e modus operandi di e direktor di PDVSA, Coredor ku ta manehá BOPEC na Boneiru, a ofresé Gerold Bernabela 5000 dòler. Esaki el a bisa ta bèrdat i el a pone Norwin ‘Nochi’ Willem, di USIBO na altura di loke a sosodé. “Coredor den un kombersashon, bèrdat a ofresémi 5000 dòler. El a bisami bai serka Pinto, pa e atendé e 5000 dòler pa e yega serka mi. Mi no a bai tuma nada pasobra mi no ta interesá den e sèn ei spesífiko. Nos ta den un lucha na bienestar di e trahadó. E motibu ku nan tabata ke a dunami e sèn, ta debí ku nos komo sindikato a hasi diferente kos pa trahadónan ku nos propio fondonan di FEDEBON i nan tabata deseá pa duna bèk”, Gerold Bernabela a bisa. Nochi Willem di USIBO a bisa ku Coredor tabata deseá pa papia ku su persona, sinembargo el a bisa ku esei no ta posibel. Por papia pero den bista di tur hende presente, esta di otro sindikatonan. Mi a yama e otronan, sinembargo nos no a logra kontakto ku Coredor. E hendenan aki ta difísil pa atendé ku nan. SI no kore ku nan, nan no ta bai i ta krea un aktitut pa laga mira ku ta otronan tin falta i no nan di PDVSA. Tabata sirkulá rumor ku Kmar i gezaghèber a stroba i òf nenga di laga Coredor drenta Boneiru. Esaki Radio Live 99.9 FM tin konfirmashon di dje ku niun momentu a nenga Coredor pa el a bin Boneiru, miéntras e tabata na Kòrsou.  

Share This
error: Content is protected !!