KRALENDIJK – Charleson i Charlon S. a sali liber den kaso di atrako na Divi Flamingo Casino. Esaki ta loke korte den Promé Instansia a dikta dia 4 di febrüari 2021. Bewakernan di e kompania di seguridat Special Security Services (SSS), a keda desapuntá ku e sentensia di apsolushon. Gedion M. a haña pa e kaso un kastigu di prison di 8 aña.

Remarkabel tabata ku riba 14 di yanüari último, Benito Dirksz, propetario di e kompania di seguridat SSS, a entregá un petishon di 93.500 dòler komo daño i perhuisio. E mes no tabata presente riba dia di sentensia. Korte a otorgá un montante di 10.000 dòler komo daño i perhuisio na kada bewaker. Divi Flamingo ta haña e 20.000 dòler ku a konfiská den e boto di Gedion M.. Benito Dirksz di SSS no a haña nada. ”petishon ta muchu kompliká pa korte. Por atendé esaki via un kaso sivil”, hues mr. Edelenbos a splika. Despues di e huisio tabata opvio ku e víktimanan (bewakernan) a keda sumamente desapuntá pa e veredikto di apsolushon. Segun ámbos bewaker, e sentensia ta proba ku hustisia ta haña ku nan bida no ta bal nada. Pues un sentimentu di inhustisia tabata presente. Esaki mientras famia di e dos hòmbernan tabata selebrá e sentensia di apsolushon.

Share This
error: Content is protected !!