KRALENDIJK – KVK na komienso di tur aña, ta manda un faktura pa empresarionan i esaki mester ta pagá promé ku djaluna awor 15 di febrüari. Esaki ta loke Janou Troeman di Kamer Van Koophandel (KVK) a bisa i el a splika tokante e pago. “Ta trata di un pago anual ku kompanianan mester paga. Pues ta un montante ku bo ta paga un bes pa aña di mas o ménos $80, dependé di e tipo di negoshi. Esaki ta pa tur negoshi ku ta inskribí na KVK. Tur kompania a risibí informashon pa nan hasi e pago. Esun ku no a risibí un karta na kas o via emeil por tuma kontakto ku nos pa medio di telefon; 717-5595 i emeil: administratie@kvkbonaire.com. Ta importante pa pone e number di Kamara di Komersio (KvK nummer) pa asina nos sa rápido, for di kua kompania e emeil ta bini. Tambe ta posibel pa hasi e pago via bo banko preferí di forma ‘online’. Ta importante pa paga na tempu, sino ta sigui un chèns mas di 2 siman. Despues si ainda e pago no a pasa, nos lo tin ku sigui pa medio di un ofisina di ‘deurwaarder’ pa hasi e kobransa. Ta bon pa paga esaki na tempu i evitá ku otronan ku bai buska pa hasi negoshi ku bo kompania, tuma nota ku bo kompania ta blòkiá paso no a hasi e pago. Esaki ta trese un impakto negativo pa bo kompania na momentu ku bo kier bai hasi negoshi”, Janou Troeman a bisa.

Janou Troeman di Kamara di Komersio Boneiru
Share This
error: Content is protected !!