KRALENDIJK – “Si tur kos kana sigun plan, bakunashon ta kuminsá otro siman na Bonaire.” Esaki ta loke Arthur Sealy ta skirbi den un karta. 

”Mi a mira un informashon den forma di animashon kon e prosedimentu di bakunashon ta tuma lugá. Importante ta ku bakunashon no ta obligatorio, sinembargo si un hende tuma e bakuna e ta obligá pa keda mantené na e medidanan ku ta; tene distansia di un meter i mei, laba man i no aglomerá. E intenshon ta pa promé ku yüni ,ochenta porshento di e poblashon ta bakuná. Kon nos libertat personal i bienestar general ta bai huntu. Tin dos punto, sigur tin mas, ku mi ke trese dilanti ku por ta motibu pa bisa nò kontra bakunashon. Nan na mi opinion ta, falta di informashon konvisente i ku bakunashon no ta obligatorio. Mi ke mustra riba e parti di obligashon ku ta mará na un hende su boluntat. Mi ke tuma òf mi no ke tuma e bakuna. Si e boluntat ta basá riba un kreensia, por ehèmpel religion òf un pensamentu ku e bakuna ta, peligroso, ta mata hende, ta hinka un chip den bo sistema i yunan ta nase mankaron ta bira difísil pa konvensé un hende na un manera rasonabel pa e tuma distansia di e pensamentunan ei. Sirkunstansia por kambia. Por ehèmpel, un persona ku no ta bakuná ta kore riesgo di no por biaha si agensianan di biahe ta eksigí un sertifikado di bakunashon òf bo no por drenta un fiesta, un teatro òf stadion. Laga nos enfoká riba restringí libertat di hende bou di sierto situashon”, Arthur Sealy a bisa. 

Share This
error: Content is protected !!