KRALENDIJK – Djamars 16 di febrüari den oranan di mainta (ora lokal) na Schiphol Amsterdam, e buelo ku bakunanan ku ta rumbo pa e diferente islanan di parti Karibense di Reino a lanta. Den oranan di atardi e promé vuelo di e avion di KLM (KL-779) ta yega Boneiru kargá ku bakuna pa kombatí Coronavírùs. Pa ta mas eksakto e avion ta pasa Aruba promé i sigui pa Boneiru. E buelo aki ta marka komienso di un seri di karga di e bakuna ku lo sali tambe pa sobra di e islanan ku lo haña e bakuna di e forma aki.

Sekretario di estado Paul Blokhuis di Salubridat Públiko, Bienestar i Deporte (VWS) i ceo Pieter Elbers di KLM tabata presente na Schiphol na momentu ku a pone e karga ku bakuna di corona pa Aruba i Boneiru den avion. E promé bakunanan aki, ku tur probabilidat, ta un punto krusial pa marka un fin na e krísis di Coronavírùs riba e islanan di Karibe Hulandes, Sekretario di Estado Blokhuis a bisa.

E transporte aki ta unu spesial ku lo bai e islanan pa deskargá bakuna kontra Coronavírùs. Lo tin un seri di buelo di karga di bakuna pa Aruba, Boneiru, Kòrsou i St. Maarten pero tambe Saba i St. Eustatius. Hulanda Karibense tambe a sufri hopi i nos ta kontentu i orguyoso di por ta di balor pa e habitantenan di e forma aki, Elbers di KLM a bisa

E bakuna di Pfizer, ku a sali bordo di e buelo di KLM ta bon protehá i paketá den ‘dry ice’ pa e por keda diferente dia bon friu. Dirèkt despues di Boneiru i Aruba, ta pone e bakuna na un sitio ku por mantené nan den e temperatura nesesario. Si tur kos kana segun plan, dia 22 di febrüari ta kuminsá bakuná mas o ménos 600 profeshonal den kuido aki na Boneiru i promé di mart ta kuminsá bakuná hendenan riba 60 aña.

Sekretario di estado Paul Blokhuis di Salubridat Públiko, Bienestar i Deporte (VWS) i ceo Pieter Elbers di KLM
Un bista den e baul di KL-779. Bakunanan di corona ‘ready for take-off’pa Aruba I Boneiru.
Share This
error: Content is protected !!