KRALENDIJK – Djasabra 6 di febrüari último, TCB a duna rekonosementu na Sr. Howard Joseph prosedente di Merka, komo embahador di Bonaire. Esaki a tuma lugá na Bonaire Windsurfing Place na Sorobon. Howard ta bishitando Bonaire pa 25 aña konsekutivo, i ta e promé kliente di e sitio ariba menshoná. E ta kòrda su promé bishita na Bonaire, kon e negoshi tabata drai den un kònteiner, i awe 25 aña despues, e ta mira un desaroyo grandi na e área di windsurf.

Entrega di sertifikado i medaya tabata na enkargo di Sr. Rolando Marin, den kompania di Miss Tourism 2020, Rayshantaly Coffie i tambe Elvis Martinus di Bonaire Windsurfing Place.


Share This
error: Content is protected !!