KRALENDIJK – Awe djaweps 18 di febrüari, trahadónan di BOPEC pa medio di konferensia di video, tabata tinun reunion ku gerensia di BOPEC na Venezuela.. Esaki despues ku trahadónan no a kobra salario e aña aki i tampoko risibí nan bashí preimi. Por komprondé ku trahadónan a sali hopi rabiá i desgustá. Gabriel Pourier di sindikato BPWU a papia komo promé persona ku a sali for di e reunion i yega porta di BOPEC. Gerensia a papia ku trahadónan 11:30, esta mei ora despues di e tempu stipulá. Ku hopi preshon nos a pone nan kuminsá e reunion. Nan a bisa ku nan ta trahando pa yega pa paga nos i esei nos sa kaba. No ta nada nobo. Diferente persona huntu ku Coredor a papia i a bisa mes un kos. Nos a bisa nan, nos no ta subi tereno di BOPEC mas, te na momentu ku sèn pasa riba kuenta di trahadónan. 72 trahadó di BOPEC tabata presente i a firmá. Trahadónan no ta kontentu i nan a tuma nan desishon for di ayera”, Gabriel Pourier a bisa.  

Gerold Bernabela di sindikato FEDEBON tambe a bandoná tereno di BOPEC i na porta el a papia ku prensa i a bisa ku nan a sinta hopi ratu pòrnada promé a tende algu di gerensia di PDVSA. “Nos a sinta warda hopi promé nan a bisa algu. Kos no a kana, bon bisá nada nobo. Si trahadónan no ta deseá pa subi tereno esei ta nan desishon i niun hende no por obligá nan subi tereno di BOPEC. Djaluna awor ta bai korte pa asina tin un prueba pa momentu ku sèn subi kuenta di BOPEC, pone beslag riba esaki pa e trahadónan. Sesantia si ta sigurá ku e trahadónan di BOPEC lo haña. Pinto tabata presente i no a papia ni un palabra awe mainta”, Gerold Bernabela presidente di FEDEBON a bisa. Awor nan a bisa ta bai papia ku trahadónan pa e desishon final pa deklará bankarota di BOPEC.  

Share This
error: Content is protected !!