KRALENDIJK – E ekipo di futbòl di Rincon s.v. Vespo den kontinuashon di kampionato di futbòl di nos isla, a empatá na gol ku e ekipo di futbòl di Nort’i Saliña s.v. Young Boys den un partido ku a tuma lugá djadumingu 21 di febrüari último den Stadion Kralendijk na Playa.

Tantu Vespo i Young Boys no tabatin un anochi fasil. Ámbos ekipo den e promé tempu a lucha pa por logra yega na un gol pero e promé mitar no a konosé gol. E partido a bai sosegá ku e skor di 0-0 pues.

Den e segundo tempu reglamentario Young Boys ta bai dilanti na di 59 minüt ku gol di Farson Rijna. Na di 77 minüt Christopher Isenia di Vespo no ta basilá i ta logra empatá e partido 1-1. Ku esaki ámbos ekipo ta bai ku 1 punto.

Rèfri ku a dirigí e di tres partido di e kampionato ta Franson Melaan.
Despues di e partido djadumingu, djarason 24 di februari pa 8’or di anochi, s.v. Uruguay di Antriol Pariba ta enfrentá s.v. Real Rincon di Rincon. Por sigui esaki solamente via e sistema di ‘Live Streaming’!

Riba potrètnan e timnan, outornan di e golnan i e kuerpo di rèfri ku a dirigí e partido.

Share This
error: Content is protected !!