KRALENDIJK – Fin di siman pasá deskonosínan a haña bon di hòrta e nèt na e fèns patras di pal’i gol na Fèlt Elion Flores na Amboina.

Ta trata di e nèt ku ta evitá ku balanan ta sali bai pafó i resultá den mondi.
E nèt t’ei pues komo protekshon pa protehá i evitá ku e balanan no ta bai pèrdí.

Ta pidi esnan ku a hòrta esaki pa trese esaki bèk. Si no trese esaki bèk, ta gastu atrobe pa buska otro nèt pa e fèns pa asina evitá ku balanan ta bai pèrdí, loke tambe ta kostoso. Ku otro palabra, kada bes ku kita o sea hòrta esakinan, ta otro gastu pa gobièrnu. Esun òf esunnan ku a hòrta e nèt, por fabor trese esaki bèk i no bai sera masbangu kuné.

Riba potrèt un bista kon e fèns a keda bashí sin su nèt pa wanta balanan ku bai afó na Fèlt Elion Flores na Amboina.

Share This
error: Content is protected !!