KRALENDIJK – Federashon di Futbol Boneriano ku ta FFB bou di presidensia di sr. Ludwig “Luti” Balentin, den su plan di aña tin riba agènda pa duna empuhe na futbòl pa damas/hende muhé. Un di e promé aktividatnan ta un torneo di futsal pa damas. Den kuadro di esaki ta habri oportunidat pa inskribí pa e torneo di sala pa mucha muhé/damas.
Por inskribí ekiponan den e siguiente kategoria:
- Bou di 13 aña (mucha muhé entre 9 pa 13 aña).
- Kategoria 13+.
- Kon bo por partisipá?
Timnan afiliá na FFB por sera un ekipo den kategoria 1 i/ òf 2. - Bo ta sera un grupo di amiga/famia/konosí den kategoria 1 òf 2
- Un organisashon ku no ta afiliá na FFB tambe por forma un ekipo den e kategorianan menshoná.
- E fecha pa e torneo ta stipulá pa kumisá 20 di mart 2021. Lo hunga e weganan den spòrthal Jorge Nicolaas na Kaya Amsterdam riba djasabra entre 3or i 6or di atardi.
- Ta dependé di e entusiasmo i interes di ekiponan ku inskribí ku por bini kambio den dia òf orario di e torneo aki.
- Den kaso ku un ekipo tin mester di unifòrm FFB por yuda den esaki ku unifòrmnan ku tin disponibel.
- Inskripshon ta sera dia 5 di mart 2021 pa asina por tin bista di e kantidat di ekiponan pa por traha e skema di wega.
- Di e manera aki FFB ta inisiá un torneo pa e kategoria damas i promové esaki pa asina nos deportistanan femenino tambe por ta den akshon durante aña.
- Kon bo ta inskribi bo ekipo? Download e formulario di inskripshon, e ta disponibel riba página di facebook di FFB.
- Yena e formulario den excel i manda esaki via e-mail pa ffboneiru@gmail.com of jehan.pourier@ffboneriano.com. Último fecha pa inskribí ta dia 5 di mart 2021.
