KRALENDIJK – Niun doño di trabou no por obligá e trahadó pa tuma e bakuna, tampoko por stroba e trahadó pa bai tuma e bakuna. Esaki diputado Nina den Heyer a bisa Radio Live 99.9 FM durante un entrevista. “Loke mi a bisa ta ku nos ta pidi doñonan di trabou, si nan trahadó tin sita pa bai tuma e bakuna, pa duna e trahadó oportunidat pa bai bakuná. E pasamentu di angua pa e bakuna, ta tuma lugá solamente durante dia. Un hende ta haña un sita i e no por kambia esaki. Momentu pa tuma e bakuna ta sosodé durante ora di ofisina. Kada hende ta disidí si nan ta tuma e bakuna si òf nò i ta pidi tur hende pa respetá otro su opinion òf desishon”, diputado Nina den Heyer a bisa.

Share This
error: Content is protected !!