KRALENDIJK – Un fenómeno a lanta kabes último tempu atrobe di kolebranan ku ta keda enkontrá na Boneiru. Ta importante pa tende si ta hasiendo investigashon kon e kolebranan ta yega Boneiru. Sea nan ta bin pa medio di importashon, kisas den santu i si nan ta venenoso si òf no. Resientemente riba e tereno na altura di ‘Warehouse Bonaire’, parti patras di e negoshi aktual, kaminda tin trabou di konstrukshon ta tumando lugá, a topa ku un kolebra bou di baranka. Por komprondé di hendenan ku sa di kolebra, ku no ta trata di e tipo ku ta venenoso. Ta trata di e tipo di kolebra yamá ‘Corn Snake’ i no ta un kolebra venenoso. E por bira 2 meter di largura. Na mas okashon a yega di topa ku kolebra na Boneiru. Ta kere ku ya tin un investigashon andando i kisas ‘STINAPA’ ta na altura di e kolebra ku e hendenan a haña riba e tereno di konstrukshon patras di e supermerkado Warehouse Bonaire. 

Share This
error: Content is protected !!