KRALENDIJK – 21 di febrüari último tabata dia internashonal di idioma materno; Papiamentu. 

Den e kuadro aki algun dosente di Liseo Boneriano a pone kabes huntu i organisá un aktividat, kaminda tur alumno ta haña e espasio pa reta nan mes den nan idioma materno i esnan ku a hasi papiamentu di nan adoptando esaki. 

E aktividat a kuminsá djarason 24 di febrüari, kaminda e gruponan di kada klas sekshon di MAVO, a keda repartí den e asina yamá ‘Pul’ pa kompetí. Hasiendo uso di e wega ‘kahoot’, ku preguntanan basá riba ortografia i aspekto di papiamentu, tiki tiki gruponan a keda eliminá. 

Djabièrnè 26 di febrüari a yega na e parti final, kaminda 4 grupo a bai final. Durante wega final, e alumnonan a forma parti di e wega konosí ‘Family Fued’, ku nos a adoptá e nòmber hasié: ‘Liseo Family Fued’. E aktividat a tuma lugá na airu liber, den presensia di otro hóben i dosentenan. Lyndon Leito tabata enkargá ku e parti di hurado pa e aktividat.    

E tim ganadó a resultá: Raemian Janga, Erich Cordilia i Giomar Janga. 

Share This
error: Content is protected !!