KRALENDIJK – Reynold ‘Nolly’ Oleana, na final di e promé reunion, den su kalidat komo gezaghèber interino i presidente di Konseho Insular, a bisa ku ke hasi uso di e oportunidat pa gradisí tur ku a hasi posibel pa e reunion aki bira posibel. “A koperá ku otro inmensamente pa yega na konsenso. Ta hopi importante pa enbes di Konseho Insular, nos tin un sala di konsenso. Nos a yega riba diferente punto i nos a haña otro i yega na konsenso. Mi ta kere ku e Konseho Insular aki tin tur sorto di potensial, pa sirbi e komunidat aki dignamente. Pero tòg mi ta sinti algun asuntu ku mi ta kere di parti di Kolegio Ehekutivo, pa nan buta atenshon na dje, ta e parti di sumistro di informashon. Sumistro di informashon na tempu i kompletu. Esei ta alsa funshonamentu di nos Konseho Insular, i lo buta ku ora tuma un desishon, esaki lo ta hopi mas balansá. E otro sugerensia ta, ku durante e debatenan ku a bini dilanti, nos ta papia di e ‘uitsvoering model/raportage’, ku Konsehal Coffie a trese dilanti. Lo ta hopi importante, palabrá e programa di gobernashon i tambe a base di e programa di gobernashon, nos por pone kada bes, kada 3 luna, kada kuartal e ‘uitvoering raportage’. E ora ei tur hende sa kua akshon a keda tumá, kon leu nos ta den e proseso i kiko ta nos vishon mañan Dios ke. Kiko nos ke logra, pasobra esei tambe lo ilustrá ku por buta e fondonan disponibel. Esei a bini dilanti na diferente okashon awe. Hopi bia tin deseo pero no tin e fondonan disponibel pa realisá nan”, Nolly Oleana a bisa.  

Share This
error: Content is protected !!