KRALENDIJK – Djabièrnè 26 di febrüari último, a tuma lugá partido number 5 di e kampionato di futbòl di nos isla bálido pa FFB ku a bai entre Estrellas di Nort’i Saliña i Vitesse di Antriol/Playa Pabou. E Partido aki a tuma lugá den Stadion Kralendijk na Playa i a konosé un total di 4 gol.

Un partido ku tur dos ekipo a kuminsá ku atakenan ámbos banda.

Den e promé mitar, e partido no a konosé gol. E partido a bai sosegá 0-0 pues.

Den e segundo tempu reglamentario na di 51 minüt, Giovanny Janga ku un tremendo akshon a pasa e bala banda di e kiper di Estrellas i ta habri e markadó 1-0 pa Vitesse. E ekipo di Estrellas ku no por a kere ku Vitesse a bai dilanti, despues di algun minüt ta hasi e partido 1-1 na di 58 minut ku gol di Wilson Alvarado. Mester menshoná ku e spit di wega a lanta na momentu ku e partido a empatá na 1 i Estrellas a kuminsá ataká formal pa buska e siguiente gol. Na di 70 minüt, Javier Martha ta hasi e partido 2-1 pa Estrellas pika dilanti. Den e último minütnan di e partido, e ekipo di Vitesse no a pèrdè speransa i ku alma i kuerpo ta logra empatá e partido na di 91 minüt ku un tremendo kabesaso di Richnaldo Cijntje.

E partido a finalisá pues ku e skor final empatá na 2-2 . Rèfri ku a dirigí e di sinku partido di e kampionato ta Bryan Virginie.

Riba potrètnan e timnan, outornan di e golnan i e kuerpo di rèfri ku a dirigí e partido.

Share This
error: Content is protected !!