KRALENDIJK – Último dos dianan, bastante persona a wòrdu yama pa departamentu di Salubridat Públiko pa bai tèst mirando ku a konstatá persona(nan) infektá ku Covid-19 ku a bishitá diferente establesementu. E situashon ta di atenshon mirando ku awe djaweps 4 di mart 2021, Gobièrnu di Boneiru a informá ku tin 55 kaso aktivo di covid-19 i tin 96 persona den karentena. Ainda tin diferente resultado di tèstnan ku mester drenta. Potrètnan ta ilustrá e kantidat di vehíkulo den fila na edifisio di Salubridat Públiko pa e ‘Drive Thru’ tèst. Pa evitá ku ta opstakulisá tráfiko riba Kaya Betico Croes, sierto vehíkulo mester a bai stashoná riba e sitio di stashoná outo di Stadion di Playa pa warda bùrt pa bai tèst. Mañan djabièrnè 5 di mart ta bai tin un rueda di prensa di gobièrnu di Boneiru ku ta relashoná ku e desaroyonan di Covid-19 pa ku e oumento di kasonan nobo i probablemente lo bai tin medidanan nobo pa komunidat di Boneiru.

Share This
error: Content is protected !!