KRALENDIJK – Awe djamars 9 di mart ta Dia Internashonal di FutSal.

Futsal a wòrdu kreá pa e Tata di futbòl di sala, Profesor Juan Carlos Ceriani, esaki na La Vieja Casa de la Asociación Cristiana de Jóvenes na òktober 1930, awor yama Gimnasio de Juventus en Río Negro y Colonia, den siudat di Montevideo, Uruguay.  

Tur esaki pa kontestá e muchanan i hóbennan ku ke a hunga solamente futbòl den e espasio chikí di e gimnasio na lugá di fòlibòl, basketbòl i tabata skòp tur bala kibra tur kos, stimulá pa euforia ku Uruguay a sali dos bia kampion di Olimpiada na Paris i Amsterdam, 1924 i 1928 respektivamente i 1930 promé kampion mundial di futbòl.

Komo dosente di edukashon físika Profesor Ceriani a buska un solushon pa e interes hopi grandi pa hunga futbòl den e gimnasio, inesperá pa su koleganan tempu ku e tabata studia pa su master di edukashon físika na Europa, señornan Nismit i Morgan inventadónan di fòlibòl i basketbòl respektivamente.

Usando e spiritu di futbòl i aplikashon di reglanan di waterpolo, basketbòl i “handbal” a sali e promé reglanan den seis página ku 11 artíkulo pa anunsio di e deporte nobo ku yama FutSal

– futbòl di sala.

Na aña 1933 e direktor di instituto tékniko di e Confederashon Sudamerikano di e asosashon Kristian di hóben, señor James Summers, a rekomendá pa a manda e reglanan di wega pa aprobashon pa e sentral na New York pa tur asosashon Kristian di mundu, di kua e deporte di futbòl di salon a kontagiá spesialmente paisnan manera Brasil, México, Spaña, Perú i mas despues henter mundu.

Na Brasil na aña 1955 a nase e promé organisashon statutario, pa despues sigui pa Uruguay i Argentina.

Na aña 1960 a funda e CONFEDRACION SUDAMERICANA DE FUTBOL DE SALON (C.S.F.S.) den nos región di FUTSAL Antias Hulandes ku aworaki tambe ta miembro.

Despues di aña 1960 e desaroyo di futbòl di sala a kuminsá dal stapnan hopi grandi, organisando kampionatonan internashonal:

Na aña 1971 na San Pablo Brasil a funda FIFUSA (AMF), International FutSal Federation, aworakí Asosashon Mundial di FutSal (AMF).

Esaki un historia kòrtiku di futsal ku awe djamars 9 mart 2021, ta  Dia Internashonal di e deporte aki.

Share This
error: Content is protected !!