KRALENDIJK – Den oranan di anochi riba djaweps 11 di mart, polis den kolaborashon ku e direktorado di Supervishon i Mantenshon di Lei di OLB (Directie Toezicht en Handhaving) i KMar, a tene un akshon den kuadro di kumplimentu ku e ordenansa di emergensia.
 
Durante e kòntròl aki a bishitá diferente establesimentu di hòreka entre otro riba Kaya Korona, Nort Saliña, Rincon i na bichnan. Direktorado di Supervishon i Mantenshon di OLB, den kolaborashon ku KPCN, a sera algun establesimentu komo ku nan no tabata tene nan mes na e reglanan, di por ehèmpel tabatin kliente ku a keda para bebe pafó. Ta pèrmití establesementunan di horeka pa bende kuminda òf kos di bebe ku kliente pa solamente bai kuné. Pues ku otro palabra e kliente mester kumpra i bandoná e establesementu mesora. Tantu na algun bich, snèk i algun otro sitio, mester a pidi hendenan pa bandoná e sitio. No a duna niun but komo ku e gruponan a duna oido mesora na òrdu di polis.
 
KPCN i partnernan lo sigui kontrolá riba kumplimentu ku e ordenansa di emergensia den e temporada benidero. No ta ekskluí ku lo duna tantu suidadano komo kompanianan prosès ferbal si no kumpli ku e ordenansa di emergensia.

Kualkier persona ku ke mèldu un sitio(nan) kaminda tin aglomerashon di hende, por hasi esaki na polis/KPCN via 717-8000 òf e liña di tep anónimo 717-7251. Si ta trata di un negoshi ku a kibra ku regla, durante ora di ofesina mester yama Direktorado Supervishon i Mantenshon di Lei di OLB (Directie Toezicht en Handhaving T&H) via 715-5300 i si ta trata un kaso di emergensia i tambe despues di ora di ofesina por yama 796-4850. Por manda emeil tambe na t&h@bonairegov.com


CONTROLE NOODVERORDENING

KRALENDIJK – In de avonduren op donderdag 11 maart heeft KPCN, in samenwerking met de directie Toezicht en Handhaving van het Openbaar Lichaam en de KMAR, een actie gehouden in het kader van de naleving van de noodverordening.

Hierbij werden verschillende stranden en horeca gelegenheden bezocht. Enkele locaties zijn, in samenwerking met KPCN, door de directie Toezicht en Handhaving gesloten omdat ze zich niet aan de regels hielden; er bevonden zich klanten buiten bij de locatie die iets aan het drinken waren. Zowel op stranden als bij snacks zijn groepen mensen gevraagd op te breken. Er zijn geen boetes uitgeschreven omdat de verschillende groepen direct gehoor gaven aan de politie.

Het KPCN en partners zullen de komende periode blijven controleren op de noodverordening. Processen verbaal voor het overtreden van de noodverordening voor zowel burgers als bedrijven worden niet uitgesloten.

Heeft u samenscholing gezien? Bel de politie/KPCN via 911/717-8000 , de anonieme tip lijn 717-7251 of Directie Toezicht en Handhaving T&H via 715-5300/796-4850

Share This
error: Content is protected !!