KRALENDIJK – Lider di frakshon di Partido UPB den Konseho Insular Dra. Esther Bernabela ta lamentá ku gezaghèber no tabata presente den e reunion di Komishon Fiho di Covid-19 siman pasá. Mi ta komprondé bèrdat mirando e situashon aktual, ku gezaghèber tin ku atendé rueda di prensa pa informá komunidat. Loke mi no ta komprondé, momentu ku a hasi e yamada pa e enkuentro ku prensa, tabatin sufisiente tempu pa por a plania sea rueda di prensa promé ku reunion di Konseho Insular òf despues di e enkuentro ku prensa, tene e reunion di Konseho Insular. Tur e treinen ku nos a haña, mi ta sinta aki awor ku un klap loke mi ta eksperensia. Tur loke nos a siña kon pa komuniká a bai pèrdí. Mi ta komprondé ku tin hopi trabou, sinembargo e hende ku tin hopi trabou ta den kuido. Ami  ta un di nan i mi ta yen yen di trabou sin sa kon kontinuá. Henter dia na telefon pasobra hende no por bishita mi klínika. P’ami e reunion aki ta hopi importante pasobra e preshon riba kuido ta inmenso. Por a mandami un karta pa informá. Despensámi pero asin’aki mi no ke ta tratá. Nos ta pasando den krísis pero nos ta representante di pueblo. Nos ta skohe i mi ta haña ku a pone nos un kantu. Sigur nos no ta mas ku niun hende, sinembargo echo ku nos ta skoh’é, nos tin un responsabilidat pa e pueblo. Dikon ta awor numa a tuma nota ku tin tiki resultado pa e bakunashon? Dikon? Ta e kosnan aki ta pone ku pueblo no ta tuma e desishon ku ta ferwagt di nan. No tin sufisiente informashon. No tin klaridat. Mi ta hopi lamentá ku esaki. Resientemente mi a papia ku gezaghèber Edison Rijna i no por a premirá ku e situashon lo a bira manera e ta awor. Nos no por reuní den sala di reunion pasobra gezaghèber no ta presente. Hendenan ta puntrami; kiko mester hasi pa dia 17 ku tin elekshon. Kon esaki mester sosodé? Ami ta keda para riba ku mi ta lamentá inmensamente. Tin algu hopi serio ta sosodiendo aktualmente. Si e reunion di komishon di CoViD-19, si no  tuma esaki na serio, nos tin problema serio. P’ami e ta hopi malu, no ta duna informashon sufisiente. Ta hasi otro kos i no duna informashon. Un da nos a keda komo konseho? Mi ta spera loke a keda bisa awe, esta nos desgustu i mi ta keda para riba i ta lamantá i ta sinti ku ta falta di rèspèt loke a sosodé pa e lidernan di frakshon ku ta den komishon figo di CoViD-19 “, Esther Bernabela di UPB a bisa. 

E dianan aki kasonan di hende infektá ku CoViD-19 ta subi ku un average di 20 pa 30 pa dia. Hopi pregunta ta bin dilanti for di komunidat serka nos. Esaki ta loke lider di frakshon di partido MPB, Elvis Tjin-Asjoe a bisa resientemente, momentu gezaghèber Rijna no tabata presente pa e reunion di Konseho Insular.  “Pa e motibu aki nos a kere tabatin un mensahe tokante e reunion. Ta bon pa splika ken ta manda den e reunion di Konseho Insular. Nos ta representante di pueblo sinembargo solamente sierto momentu. Sigur mi ta lamentá nos komo komishon pa por a tende di gezaghèber puntonan importante. Tambe tin reunion di Tweede Kamer na kaminda i e pregunta lo ta; nos òf pueblo ta bai vota òf ta reuda di prensa lo bai vota. E forma ku nos ta atendé ku reunion, nos a haña treinen pa esaki i ta bon pa sinta na mesa pa trata otro ku mas rèspèt. No ta importá ku tin 2 kos importante pa atendé, sinembargo un mas ku e otro. Un órgano ta mir’é pa motibu di lei, nan tin mando, sinembargo ta posibel pa informá nos kiko ta sosodiendo. E rèspèt mester keda. Gezaghèber semper mester aktua ku rèspèt. Pueblo ke tende kon nos komo gobernante ta mira sierto kosnan”,Elvis Tjin-Asjoe a bisa.  

Konsehal Daisy Coffie a bisa ku ta lástima ku gezaghèber Edison Rijna no ta presente durante reunion. Ta lamentá ku nos ta sinta ku e komishon di CoViD-19 ta atendé e situashon ku a oumentá drástikamente, el a bisa. “Awor parse tambe ku tin e variante Britániko aparentemente na Boneiru. E prekupashon ku ta reina den pueblo ta aun mas grandi. Hopi hende no ta tendiendo nada i ta hopi prekupá kon ta bai sigui. Nos tabata deseá pa tende di EBT i gezaghèber, loke ta sosodé i kon ta bai sigui. Esei ta bon pa nos tambe por a hasi pregunta ku nos tin i ku hendenan a pidi nos, pa trese dilanti den reunion di CoViD-19. Lástima ku gezaghèber no ta presente. Nos a palabra komo Raad ku gezaghèber, ku nos ta haña informashon promé ku sali pafó ku sierto desishon. Mi ta komprondé ku ta EBT ta na mando i p’esei ta pensa nos no mester sa kos adelantá. Sinembargo komo representá te di pueblo, ta interesante pa nos sa kiko ta pasando. Awor nos ta sinta den un reunion i gezaghèber ta papia aya banda. P’ami loke a sosodé ta algu inakseptabel”, lider di frakshon Daisy Coffie a bisa.   

Share This
error: Content is protected !!