KRALENDIJK – Mayornan ku tin yu(nan) ta bishitá Skol Amplio Papa Cornes ta hopi desgustá debí na e situashon ku tin na e skol apesar ku tin otro alternativa. Ta trata di e situashon kaminda mayor mester baha e muchanan pa drenta e kurá di skol, loke ta un situashon fastioso. Esaki parti patras di e skol den e area di Nort’i Saliña. E situashon aki ta kousa ku tráfiko ta pega i forma fila. Por poko tin choke entre vehíkulo na e sitio. Muchanan ta kana pasa mei mei di outonan ku tur e konsekuensia. Tambe debí ku áwaseru ta kai e dianan aki, e ta kousa molèster pa pasa den lodo i drenta kurá di skol. Malkontentu serka mayornan ta pa motibu ku tin otro alternativa i ta nenga di hasié posibel pa por drenta di e otro porta (entrada prinispal na Kaya Leiden) kaminda si e situashon ta stabil. Mayornan ta pidi direktor di skol Charlotte Dortalina, pa duna atenshon na e situashon, pa por aliviá e muchanan di e situashon fastioso pa drenta kurá di Skol Amplio Papa Cornes. Potrèt ta ilustrá e situashon ku diferente outo pará den fila i e otro sitio, e entrada ku ta stabil na Kaya Leiden ku no ta den uzo pa motibunan deskonosí.

Entrada prinsipal di e skol na Kaya Leiden ku ta ‘safe’ pa alumnonan i tambe pa tráfiko pero no ta den uzo. Motibu no ta konosí.
Share This
error: Content is protected !!