KRALENDIJK – Un empleado di e kompania di limpiesa SELIBON N.V. a pasa den sustu despues di konstatá un artefakto peligroso ku koriente haltu riba dje abou den tera den un bòshi di yerba. E trahadó tabata harpando, hasiendo limpi kantu di kaya i diripiente su harpa a dal riba algu i el a tende un zonido fuerte ku a chispa kandela. Ta trata di e sitio enfrente di parokia La Bírgen di Coromoto, (skùin dilanti) di e misa riba Kaya Korona. Na e sitio tin tres piedra i mei mei di e piedra e artefakto ta ku tin koriente riba dje di voltahe haltu. Esaki ta simplemente riba tera i tin koriente haltu riba dje. Esei por a konstatá momentu ku e trahadó di SELIBON N.V. tabata hasiendo su trabou harpando i dado momentu a tende e zonido di koriente ku tabata fuerte. Si e empleado di SELIBON N.V. su harpa kompletu tabata di heru, awe nos lo por tabatin un situashon di lamentá. Ta pidi pa e kompania WEB N.V. tuma nota di e situashon i drecha esaki. Sigur ta algu ku mester di atenshon rápido! Potrèt ta duna un bista di e situashon hopi peligroso i kon e harpa a keda despues ku e empleado a pasa ku esaki riba e artefakto!  

Share This
error: Content is protected !!