KRALENDIJK – Gezaghèber di Boneiru Edison Rijna, awe djaweps trai mèrdia a depositá su voto manera el a indiká for di mainta. El a presentá na Kompleho deportivo Jorge Nicolaas na Kaya Amsterdam i a vota. Aparte ku el a depositá su voto, el a tira bista kon henter e proseso di votashon ta tuma lugá. El a papia ku prensa presente i a konta kon e ta mirando e dia di votashon pa Tweede Kamer na Hulanda. “Elekshon di e aña aki ta otro i tin henter un prosedura. Tur esaki pa seguridat di e pandemia ku nos ta aden. Te awor loke mi ta mira i a tuma nota di dje, tur kos ta kana segun nos protokòl i loke nos a palabrá. Mi a pasa e urnanan pa asina haña un bista kon ta bayendo. Mi ta apelá pa tur hende bai vota. Tin 4 urna i hasi uso di bo derecho sagrado ku nos tin. Ta importante pa vota, pasobra e representashon ku nos ta haña den Tweede Kamer aya na Hulanda, ta bon i ta nifiká hopi pa nos”, entre otro gezaghèber Rijna a bisa.  

Share This
error: Content is protected !!