KRALENDIJK – Djamars den oranan di atardi tabata notabel kon rei di hende a forma pa drenta na algun supermerkado aki na Boneiru. Esaki tin di aber ku e notisia ku gezaghèber Edison Rijna a trese pa komunidat, ku ta bai drenta Lockdown. Apesar ku esaki ta kuminsá te djaweps, e hende ta sinti motibu pa bai hasi kompra èkstra for di awor. Ta bon pa informá ku lo no ta tin muchu kambio pa loke ta trata supermerkado. Pues un persona ta sigui ku e posibilidat normal pa hasi kompra diariamente. Supermerkado ta keda habrí! No tin motibu pa kumpra kos na kantidat pone na kas. Algun potrèt ta duna bista di e situashon na diferente supermerkado, djis despues di e momentu ku gezaghèber a papia pa medio di un konferensia di prensa.   

Share This
error: Content is protected !!