KRALENDIJK – Gezaghèber Edison Rijna a papia algun ratu pasá relashoná ku votashon pa Tweede Kamer. “For di mainta te 4or di atardi, un kantidat di 1904 hende a hasi uso di nan derecho di voto. Esaki ta un kantidat di 14.11 % di e 13490 hende ku por bai vota. Ta un kantidat bon i sigur kompará ku elekshon anterior na 2017. Mi a bai vota i ta mira ku tur kos ta kana bon i mi a topa diferente hende ta bayendo pa depositá nan voto. Nan voto sigur ta importante,  loke ta pèrkurá pa skohe un representante den Tweede Kamer aya na Hulanda, ku ta na nos bienestar tambe. Kompará ku 2017, ta indiká ku ta bai tin oumentu di hende ku ta bai vota. Tin diferente polítiko Hulandes ku a hasi propaganda na Boneiru pa hendenan vota pa e elekshon di Tweede Kamer. Na final lo mi por duna un bista kon a bai ku henter e elekshon. Pa awor tin mas hende ku a bai vota kompará ku 4 aña pasá. 580 hende a vota na JongBonaire, Tera Kòrá 394, Kompleho deportivo Jorge Nicolaas 690 i na Rincon 134. Total ta yega na 1904 hende ku a depositá nan voto pa awor 4or di atardi. Mi ta pidi pa mas hende bai vota i 10or di anochi ta duna e resultado pre eliminar di e elekshon”, gezaghèber Edison Rijna a bisa.       

Share This
error: Content is protected !!