KRALENDIJK – Mardugá djis poko despues ku a drenta e momentu di ‘Lockdown’ na Boneiru, gezaghèber Edison Rijna a presentá e resultado di elekshon Tweede Kamer na komunidat di e isla. Esaki a sosodé alrededor di 1’or di mardugá di djaweps 18 di mart. Partido polítiko Christen Democratisch Appèl (CDA) a bira e partido ku mas hende na Boneiru a vota pe durante e elekshon di Tweede Kamer ku a tuma lugá ayera djarason 17 di mart 2021 i a haña un total di 864 voto. E partido ku a keda na di 2 lugá ku mas voto a resultá di ta D66, ku un total di 431 voto. E partido di Premier Mark Rutte: VVD a keda na di terser lugá i a risibí un total di 360 voto for di votadónan na Boneiru. Un total di 3076 persona a bai depositá nan voto di kual 2986 voto a resultá di ta bálido. Esaki ta 22.80% di e kantidat di 13490 persona ku tabatin derecho di voto pa e elekshon di Tweede Kamer aki na Boneiru.

Djabièrnè mainta 10’or, gezaghèber Rijna lo duna e resultado definitivo di e elekshon.

Share This
error: Content is protected !!