KRALENDIJK – Den e pandemia di Covid-19, Bonaire a yega na porta di un desaster! Medidanan ku a tuma nunka a tene kuenta ku komportashon di hende.” Esaki ta loke Arthur Sealy a skirbi, relashoná ku e situashon fastioso ku Boneiru ta pasando aden; oumentu di kasonan di Covid-19 konsiderablemente.    

“Ruedanan di prensa i sifranan ku ta bini di Entidat Públiko ta mas bien partisipashon. Mi a mustra na diferente okashon ku e formulá kon ta duna informashon no ta esun korekto. Ta grita i sklama pa tur hende kuida, sinembargo kuida kiko i kon. E palabra kuida t’asina general i bashí ku e resultado ta nèt kontrali. Kua efekto e mensahenan di personanan ku a bakuná tin ta mas bien propaganda pa bai bakuná. Komo siudadano mi ta deseá pa tende, a base di kalkulashon; kon rápido e vírus ta plama. Mester por duna e sifra di reprodukshon. Den 10 dia e kantidat di persona ku Covid 19 a subi ku 288, ku ta un promedio di 28.8 kaso. Entre 11 mart i 19 di mart e promedio ta 208.4 bakuna. A base di sifra por duna informashon tokante registrashon pa bakuná i tèst ora tin síntoma i mas importante kon baha velosidat di plamamentu di e vírus i e variantenan. E toke de keda awor lo no duna un alivio grandi. E úniko solushon ta yega na un inmunidat di pueblo. Den e dilema di baha e peso riba salubridat pa kontrolá plamamentu di e vírus i alsa inmunidat ta nifiká ku mester tuma mas medida. Un medida adishonal por ehèmpel ta; sera tur playa i para tur deporte akuátiko. Pa sali for di e dilema menshoná mester tin komunikashon basá riba maneho di informashon i no manera ta tuma lugá awor ku ta simplemente partisipashon sin efekto”, suidadano Arthur Sealy a bisa. 

Share This
error: Content is protected !!