KRALENDIJK – Apesar ku nos ta den un pandemia ku ta hasi imposibel pa físikamente USIBO reuní, nos a reuní via zoom i a atendé dos punto hopi importante, esta e partisipashon di trahadónan den nan empresa. Den un forma nobo, inovativo USIBO a interkambiá ku ekspertonan, kon nos por pusha un desaroyo den kua e trahadó den e empresa ta gosa di e rèspèt i rekonosementu di su balor i kontribushon ku e por duna den un desaroyo sano di e kompania. Un desaroyo ku ta garantisá e i su famia di por tin un trabou duradero, ya ku e kompania tambe lo tin un eksistensia duradero. 

Otro enkuentro ku USIBO tabatin ta ku un delegashon di BANKO MUNDIAL (WORLD BANK), a interkambiá ku delegashon di Banko Mundial, kua efekto e pandemia a kousa den nos komunidat pa loke ta e aspekto sosial-ekonómiko, sinembargo mas importante; kon nos ta bai fiha un maneho pa rehabilitá e desaroyo aki, esta kiko ta e nesesidatnan, sinembargo tambe kua strategia ta bai usa pa logra kubri e nesesidatnan nobo ku e pandemia a krea. 

Djamars awor tin un enkuentro ku Fondo di Penshun Caribense, kaminda e sindikatonan ta bai haña amplio informashon tokante e Fondo i su futuro pa asina e miembronan di e FONDO ta mihó informá i prepará pa loke ta desaroyo di nan penshun.  

Pendiente ta e alfabetisashon tokante yenamentu di belasting ‘online’, ku dentro di poko ta bai inisiá. Meskos ta tambe un kurso ku USIBO tin pendiente pa loke ta miembronan di direktiva di e diferente sindikatonan i tambe nan shòp stewardnan”, direktiva di USIBO a bisa. 

BO TA MIEMBRO DI UN SINDIKATO KABA?  KIKO BO TA WARDA. 

Share This
error: Content is protected !!