KRALENDIJK – Ámtenarnan ku ta bai Boneiru pa trabou for di Hulanda; mester yega na konosementu di idioma papiamentu. Esei ta loke ta paresé den un karta ku Minister Kajsa Ollongren(BZK) a manda pa Tweede Kamer, despues di a firma un akuerdo di papiamentu siman pasá ku Diputado Nina den Heyer.  

Minister Ollongren a pone den e karta aki tambe ku un fecha figo ku tur mucha na Boneiru ku terminá skol, mester por papia, lesa i skibi idioma papiamentu na 2030. E akuerdo ku a firma ta rekonosé papiamentu komo un idioma formal i indepediente na Boneiru banda di idioma Hulandes, spañó i ingles. E akuerdo tin e meta pa protehá idioma papiamentu, promové i dun’é e posishon stábil den e reglanan eksistente i salbaguardi’é ”, Ollongren a bisa. 

Tambe ta hasiendo investigashon pa lanta un organisashon huntu ku otronan, pa pone énfasis riba e kalidat di idioma papiamentu i su kultura. Banda di e akuerdo ku a firma, ta poné ku ámtenarnan ku ta bai Boneiru pa trabou for di Hulanda, mester por dominá e idioma menshoná. Aparte di esei, ta bai wak e posibilidat di rekonosementu di idioma papiamentu, bou di Europeonan pa idioma regional òf ku ta di un komunidat mínimo hasiendo un investigashon. Ta bai wak tambe idioma papiamentu na Hulanda.       

Share This
error: Content is protected !!