KRALENDIJK – Ta tumando nota ku diferente hende di edat ta muriendo. Esaki un suidadano ta bisa i ta pidi pa publiká pa esnan konserní duna atenshon na loke ta sosodé. “Hende di edat ta bai laga nos(fayesé) i mi ta puntra mi mes; ta Covid-19 òf simplemente algu otro a presentá pa kasualidat e dianan ku ta pasando? Práktikamente (pa no bisa tur) hende ku a fayesé último lunanan ta pa motibu di Covid-19. No tin niun morto natural òf otro malesa mas? A tèst e hendenan i asina tin un bista sigur ku nan ta infektá ku e Covid-19 si òf no? Si resultá ku nan tin Covid-19 (rumor ku ta sirkulá), kon esei a yega serka nan?  

Fásil kulpa KLM i turista, sinembargo kon ta aklará ku hendenan di edat no ta topa ku e turista i nan a pega ku e vírùs i a fayesé. Ta momentu pa duna mas atenshon, tuma e situashon mas na serio. Ta importante si bo tin síntoma pa bai tèst i no sigui plama esaki ku tur e konsekuensianan”, e suidadano a bisa.  

Finalmente ta keda responsabilidat di e departamentu di Salubridat Públiko pa sali dilanti i trese klaridat riba e pensamentu di suidadanonan aki na Boneiru.

Share This
error: Content is protected !!