KRALENDIJK – Resientemente a renobá Kaya Carlos A. Nicolaas i a hasi kambio na un parti di e kaya. Ta trata di e krusada T Kaya Neerlandia i Kaya Carlos A. Nicolaas. Por subi riba Kaya Carlos A. Nicolaas for di e krusada menshoná. For di Kaya Carlos A. Nicolaas, no por yega e krusada T ariba menshoná. Outomobilistanan ta sigui usa e kaya manera kustumbrá, sin realisá ku tin kambio. Algun outomobilista a pidi pa publiká e informashon, kaminda ta tuma nota ku vários shofùr no ta respetá òf tuma nota di bòrchi di tráfiko. Sea sierto outomobilista no ta respetá bòrchi di tráfiko na e sitio menshoná òf nan no ta pone atenshon di e bòrchi nobo referiendo na kambio. Diferente bes outonan ta topa otro for di ámbos direkshon, siendo tin bòrchi ku ta indiká ku ta trata solamente di un kaya di 1 direkshon. Ta bon pa outomobilistanan tuma nota di e situashon i asumí nan responsabilidat evitá un desgrasia innesesariamente.

Share This
error: Content is protected !!