KRALENDIJK – Awe djamars anochi alrededor di 20:45 a drenta notifikashon na warda di polis ku tin un kas habitá na kandela den bario di Rincon. Mesora a dirigí tantu unidatnan di brandwer i patruyanan polisial pa e kas situá na Kaya Flamboyan. Na nan yegada enbèrdat a bin topa ku vlamnan grandi ku a dominá un kas trahá di palu. Mesora brantwer a bai over na paga e kandela aki. Habitantenan di e kas a logra sali pafó i di investigashon preliminar ku a hasi na e sitio por a komprondé ku e habitantenan tabata den kushina usando stof, i dado momentu a mira vlamnan di kandela. Tabatin un bòm di gas chikitu paden banda di e stof, ku a pone ku e habitantenan no a tribi di yega serka pa domina e vlamnan chikitu ku rápido a bira mas grandi ku a pone nan bati alarma mesora pa pidi yudansa. Kuerpo di bombero lo realisá un investigashon mas aleu riba kousa di e kandela aki.Riba potrèt: e kas na kandela i bista di e trabounan di kuerpo di bombero na e kas den Rincon.

Share This
error: Content is protected !!