KRALENDIJK – Awe djasabra mainta alrededor di 10:45, sentral di polis a risibí notifikashon di un kandela di mondi ku tabata produsí basta huma i ku tabata kousa molèster pa habitantenan den besindario. Mesora a dirigí un patruya polisial i un unidat di kuerpo di bombero pa un tereno den besindario di Ser’i Angola. For di djaleu por a mira e kantidat di huma ku tabata bai haltu ku e kandela di mondi aki a produsí. Kuerpo di bombero a hasi su máksimo esfuerso i a logra dominá e kandela. Riba e tereno tabatin un kantidat di yerba seku i palèt ku a pone ku e kandela a plama rápidamente i tabata forma peliger pa un kasita riba e tereno. Kousa eksakto di e kandela no ta konosí.

Share This
error: Content is protected !!