Kralendijk – Departamentu di Salubridat Públiko a hinka e resúmen diario di sifra di COVID-19 den un bachi nobo. Ta kuminsá usa e resúmen nobo for di 15 di aprel i e ta konsistí di seis blòki ku sifra, tres den un rei ariba i tres den un rei abou.

Den e rei mas ariba den e promé blòki ta menshoná e kantidat di tèst positivo. Ta indiká tambe ku kuantu e kantidat aki a baha òf subi kompará ku e dia anterior. Den e blòki meimei a pone e kantidat di kaso aktivo, aki tambe ku anotashon si a bini kaso aserka òf ku tin un bahada. E di tres blòki ta indiká e kantidat di tèst negativo.

Den e rei mas abou ta menshoná den e promé blòki e kantidat di hende ku a tèst. Den e blòki aki ta indiká tambe ku sifra kuantu hende a tèst en total. E blòki meimei ta indiká e kantidat di hende ku a fayesé. Den e di tres blòki ta indiká kuantu hende ta den hòspital na nos isla i tambe kuantu pashènt di Boneiru ta den hòspital den eksterior.

Den e resúmen nobo no ta nota e kantidat di hende ku a rekuperá mas. Por dedusí e kantidat di hende ku a rekuperá a base di subida òf bahada di e kantidat di kaso aktivo. Den e resúmen nobo no ta pone e kantidat di hende ku ta den karentena. Debí na preshon haltu di trabou durante un brote no ta posibel pa prosesá e sifranan akí bon.

Departamentu di Salubridat Públiko ta informá i monitoriá e hendenan ku mester bai den karentena. Den tempu drùk nan kontaktonan ku a tèst positivo mes ta informá nan. Den un kaso asina nan mes ta responsabel pa kompletá e periodo di karentena i pa mèldu nan mes ora nan tin keho. Ku e resúmen nobo departamentu di Salubridat Públiko ta spera di diariamente hasi e sifranan mas importante klaramente visíbel, sin ku tin mester di hopi teksto aklaratorio aserka.


NIEUW DAGELIJKS OVERZICHT COVID-19 CIJFERS

Kralendijk – De afdeling Publieke Gezondheid heeft het dagelijks overzicht van de COVID-19 cijfers in een nieuw jasje gestoken. Het nieuwe overzicht wordt vanaf 15 april gebruikt en is opgebouwd uit zes blokjes met cijfers, drie op een rij bovenaan en drie op een rij onderaan.

In de bovenste rij wordt in het eerste blok het aantal positieve testen vermeld. Er wordt ook aangegeven met hoeveel dit  aantal is gedaald of gestegen in vergelijking met de dag ervoor. In het middelste blok is het aantal actieve gevallen opgenomen, ook hier met de vermelding of er gevallen zijn bijgekomen of dat er een daling is. Het derde blok geeft het aantal negatieve testen aan.

In de onderste rij wordt in het eerste blok het aantal mensen vermeld dat is getest. In dit blok wordt ook met cijfers aangegeven hoeveel mensen er in totaal zijn getest. Het middelste blok geeft het aantal mensen aan dat is overleden. In het derde blok wordt aangegeven hoeveel mensen er op het eiland in het ziekenhuis zijn opgenomen en ook hoeveel patiënten uit Bonaire in buitenlandse ziekenhuizen liggen.

In het nieuwe overzicht wordt het aantal mensen dat hersteld is niet meer opgenomen. Het aantal herstelde mensen is te herleiden aan de hand van de daling of stijging van het aantal actieve gevallen. Het aantal mensen in quarantaine wordt in het nieuwe overzicht niet opgenomen. Door de hoge werkdruk tijdens een uitbraak is het niet mogelijk om die goed bij te houden.

De mensen die in quarantaine moeten, worden geïnformeerd en gemonitord door de afdeling Publieke Gezondheid. In drukke tijden worden ze door hun positief geteste contacten geïnformeerd. Ze zijn in zo’n geval  zelf verantwoordelijk om de quarantaineperiode af te maken en zich bij klachten voor een test te melden. Met het nieuwe overzicht hoopt de afdeling Publieke Gezondheid  de meest belangrijke cijfers dagelijks helder in beeld te brengen zonder dat daarbij veel verklarende tekst nodig is.

Share This
error: Content is protected !!