Kralendijk-Kolegio Ehekutivo di Entidat Públiko Boneiru a renobá e supsidio anual ku ta otorgá na e fundashon “Stichting Beheer Bedrijfsfondsen Bonaire (SBBB)” pa e aña 2021. E fundashon aki ta kai bou di Kámara di Komersio i Industria Boneiru, ku ta ehekutá e aktividatnan.

E supsidio ta wòrdu duná ku e meta pa stimulá negoshi nobo i sostené negoshi eksistente, spesialmente empresa chikí i mediano na Boneiru. Di e forma aki, gobièrnu di Boneiru i Kámara di Komersio (SBBB) ta traha huntu pa promové i fasilitá e sektor empresarial lokal.

Ku e kontrato di kuido di aña 2021 a palabrá diferente aktividatnan spesífiko ku lo enfoká riba dje. Diputado Hennyson Thielman ta splika: “Nos ta hopi konsiente ku sektor empresarial di nos isla ta pasando den tempunan sumamente difísil. Den e aña di krísis aki, Kámara di Komersio ta ehersé un papel importante komo órgano kaminda empresanan por akudí pa informashon i guia krusial. Ku e supsidio aki, gobièrnu ta kolaborá ku Kámara di Komersio pa sigui yuda empresario pa medio di e lokèt di sosten, lantamentu di mas negoshi propio, eduká hóbennan pa bira empresario, i promové inovashon pa stimulá nos ekonomia.”

Komo parti di e akuerdo, lo traha huntu tambe riba realisashon di un foyeto di guia pa invershonista “InvestmentGuide”, un “businessincubator” i mehorá prosesonan pa entre otro pèrmit pa empresa. E “businessincubator” ta un lokalidat kaminda diferente empresa chikitu nobo i inovativo por hür un ofisina den mesun edifisio, ku e meta pa enkurashá interkambio i sinergia. Entre otro, lo duna sosten na e empresarionan ku treinen i “coaching”. Ta planeá pa start e “businessincubator” den segundo mitar di 2021.

Kralendijk – Het Bestuurscollege van het Openbaar Lichaam Bonaire heeft de jaarlijkse subsidie aan de Stichting Beheer Bedrijfsfondsen Bonaire (SBBB) weer toegekend voor het jaar 2021. De Kamer van Koophandel en Nijverheid Bonaire beheert deze stichting en voert de activiteiten uit.

Het doel van deze subsidie is om ondernemerschap, met name onder het midden- en kleinbedrijf (MKB), te stimuleren en te ondersteunen op Bonaire. Het OLB en de Kamer van Koophandel (SBBB) werken zo samen aan de bevordering en facilitering van lokaal ondernemerschap.

Bij de vernieuwing van het zorgcontract is afgesproken dat er in 2021 gericht wordt gewerkt aan aantal specifieke activiteiten. Gedeputeerde Hennyson Thielman licht toe: “Lokale ondernemers staan nu voor bijzonder grote uitdagingen, het zijn moeilijke tijden. Juist in dit crisis jaar, vervult de Kamer van Koophandel een belangrijke rol als het orgaan waar ondernemingen terecht kunnen voor cruciale informatie en begeleiding. Via het zorgcontract werkt de overheid van Bonaire samen met de Kamer van Koophandel om bedrijven te blijven ondersteunen middels het steunloket, meer mensen te helpen een eigen bedrijf te starten, jongeren op te leiden over ondernemerschap en innovatie te bevorderen, om zo de lokale economie te stimuleren.”

Ook wordt samengewerkt aan het realiseren van een “Investment Guide” (brochure voor investeerders), een “business incubator” en het vereenvoudigen van processen voor onder andere bedrijfsvergunningen. De “business incubator” is een kantoorgebouw waar verschillende starters en kleine bedrijvenin innovatieve diensten of producten samen gehuisvest kunnen worden, om uitwisseling en synergie te bevorderen. Deze bedrijven zullen ondersteund worden met onder andere trainingen en coaching. De planning is om in de tweede helft van 2021 hiermee te starten.

Share This
error: Content is protected !!