Segun sr. Ariën Cadó

KRALENDIJK – Nan a tende rueda di prensa di Gezaghebber sr. Edison Rijna djaweps último i nada no a kambia pa nan pa loke ta trata sentronan di gym. Nan tin ku keda será, nan no tin entrada i gastunan di lokenan ku tin ku kumpli kuné ta sigui subi ketu bai. Esaki sr. Ariën Cadó ku su sentro di gym situá na Kaya Industria, a bisa den entrevista ku boso sirbidor Ibi Piar siman pasá. Ta tende si e primintimentunan ketu bai manera sèmper pero sin nada konkreto i sin yudansa. Aña pasá nan a primintí, e aña aki nan ta primintiendo atrobe. Den e konferensha di prensa djaweps último a tende e pregunta na Gezaghebber sr. Edison Rijna, kiko tei pasa ku nan? Si e rikunan ta sigui bira mas riku, e pobernan mas pober?Kontesta tabata ku ta haña e sosten finansiero. E sosten finansiero no ta algu ku ta alkansá pa hasi mashá kuné. Ta bisa ku nos ta wòrdu yudá, nan ta gañando, e kos ei no ta pasando. E loke ta referí na dje ta $761,- kubo tin ku biba kuné. Bo tin ku paga awa ku lus kuné, bo tin ku paga e edifisio di gym kuné, bo tin ku paga seguro, ABB. Esei no ta yega, e problema ei nan tin pues aworakí i no ta laga gymnan habri. E no sa ta ken ta konsehá Gezaghebber, pero segun e, e hendenan aki nunka a hasi un deporte i ta manera kos ku tin rabia riba deporte na Boneiru, ya ku nan ta vris deporte di Boneiru kompletamente. E deportenan entre otro futbòl ku por praktiká na airu liber tambe ta pará ketu bai. Nan no sa kiko ta bezig kuné i tin ku stop di primintí sin kumpli, pero hasiè i hasié awó. Esei tin ku sosodé. Esnan ku ta konsehá nos Gezaghebber, nan mester kita dos luna di nan salario pa nan sinti i sa kiku nan di gym será sin entrana ta pasando aden i ta sinti aworakí. Pasó nan si ta sigui kobra, doñonan di sentronan di gym si nò i ta  nan ta den problema. Segun sr. Cadó mas aleu, e no sa kiku tei pasa, a alargá e  medidanan ku 2 siman mas i nan no sa kiku ta bai pasa ku nan aworakí, anto ku un sistema ku si bo no bai bakuná no ta habri e lugánan, manera un stail di menasa. Dos siman mas sin entrada i nan gastunan si ta sigui akumulá i subi ketu bai sin por kumpli ku esakinan i ta bai mas den debe.

Segun doño di gym sr. Ariën Cadó

Ta keda na primintimentu ku ta yega un kaminda ku nan no por mas

Kosnan ta kanando malu malu i hende riba nan  ku tin ku paga, bo tin ku paga awa i lus, bo tin ku paga e edifisio, di kua pa ku e fin di luna aki ta bai bira hopi difísil pa hasi eseinan. E loke bo ta haña di $761,- no por hasi nada kuné. Pasó e fiansa kubo tin na banko, banko ta kita su sèn, loke ta nifiká ku e sèn ei bo no ta mir’é mes, bo ta keda den debe ketu bai. Ta e problema ei nan tin ku e primintimentu manera aña pasá ku e la pèrdè 15 mil ku e tabatin warda pa hasi otro kos kuné, pero mester a paga su gastunan i esei a bai. A pidié tur su informashonnan di kosnan ku e tin ku paga, al fin al kaba nan a manda bisa ku nan no ta paga nigoshi, pero nan a keda paga otronan si i nan komo empresario chikitu muri numa. Ta eseinan ta pasando aktualmente na Boneiru i no ta hasiendo nada pa yuda Boneiru ku e situashon aki. Riba nos pregunta ku no a aserká gobièrnu riba esaki, sr. Cadó a bisa ku manera sèmper e primintimentu ta bini pero nada no ta pasando ainda. Por ehèmpel un ABB ku mester a wòrdu pasá dia 15 último, pero kon e por paga si su nigoshi ya ta bai 2 luna será. Kon ta bai paga, si bo kore paga kos sin sa ki dia bo ta habri,  kiko bo ta bai kome despues i tin un famia di kria? Mas aleu di akuerdo ku sr. Cadó, nan man ta hopi krusá aworakí. E la bisa ku e no ke nan sèn, djis habri su negoshi òf laga nan drai sikiera riba 15 hende pa nan mes por kubri nan gastunan. Pero nan ta opta pa NÒ i no sa ken ta bini ku tipo di kosnan asina. Esaki ta duné e sentimentu ku ta manera ku nan ke mata deporte di Boneiru kompletamente. Pasó futbòl, sòftbòl, beisbòl i gym, tur ta pará pero tòg nan ta habri lugánan di diskotèk i lugánan ku ta bende alkohòl komo sifuera ku alkohòl ta mas importante ku e deporte di Boneiru. Stadion por ehèmpel di akuerdo ku sr. Cadó, ta un lugá habrí i ta puntra dikon nan no por hunga futbòl den dje? E sigur no por komprondé te ainda kiko ta e problema ku nan no por habri, segun sr. Ariën Cadó a bisa den entrevista ku boso sirbidor Ibi Piar siman pasá, tresiendo tambe dilanti ku a yega un kaminda ku nan no por mas.

Share This
error: Content is protected !!