Kralendijk, 14 april, 2021

Apresiabel Señor Ayubl,

Pa medio di es karta aki, mi kier a reakshona riba un artikulo ku a sali den e korant “Boneriano” di dia 12 di april 2021, ku ta titula: ta bai laga sushi atrás na Tolo.

Ta asina ku tur hende sa ku ya ta tres (3) ana kaba, ku no tin mag di kampeer, i ku hopi hende na Boneiru sa ku ta Famia Felida sa bai kampeer na e sitio di Tolo aki. Pero e aña aki ta manera kier a hasi un pieuw bira un baka. Pasobra tin sierto hendenan ku ta kere manera ku ta awor nos a bai prepara e lugar, pa kampeer, i nan a bai i a ranka kibra tur kos na e sitio, i a laga tur kos benta. Loke nos kiermen ta, ku te na ora ku a ranka kita mes, mesterlo a laga servisio di limpiesa of nan mes mester a bal ku e porkeria nan, manera a yama nan. Famia Felida tin komo mas ku 10 aña ku nos tabata kampeer na e sitio aki. Na e sitio aki, esta Tolo, nos tabata asta adapte kada ana ku algu, na nos manera, pa el a keda bon. Te asta hendenan tabata keda horta e kosnan ku nos tabata buta pa e lugar a keda atraktivo y nechi, pero nos no tabata worry.

Mi ta bai mas leuw,ku el a asta bira un lugar pa hopi hende bai hasi nan “freiyachi” aya. Pasobra tin biaha ku nos sa bai pa pasa dia tambe, i prome ku nos tur yega, nos tabata laga un persona grandi bai prome, pa asina kita basta kosnan antikonseptivo, prome ku nos muchanan yega, pa no mira of mishi ku e kosnan aki.

Awor ku no mag kampeer mas, ta kohe e kos i hasi henter un bomboshi kune, komo sifuera ta awor nos a kuminsa ku asuntu di kampeer. Wel mi kier a buta na konosementu di tur esnan ku a kibra i ranka tur kos tira abou, pa laga serviso di limpiasa of nan mes bai kohe e lokual nan ku a keda benta na e sitio. Pasobra no ta nos a laga niun porkeria atrás. Lokuai ku nan a kita of ranka laga atrás ey, tin komo 10 aña na e sitio aki kaba.

Masha danki pa a tuma tempu di resa mi karta, i mi ta spera ku eta yega na oído di esnan ku e mester yega na dje.

Atentamente,

Winklaar .

Signa Winklaar Felida

Share This
error: Content is protected !!