Despues di un eror den deskarga di produkto, Curoil a aktua diligentemente pa sigurá produkto pakomunidat di Boneiru.

KRALENDIJK – Durante di e proseso di deskarga di produkto djamars, 13 di aprel último, a surgi un fayo ku komo konsekuensia ku produktonan a keda deskargá den tankinan robes. Manera a tuma nota di e fayo aki, Curoil a aktua diligentemente pa kontené i remediá e situashon. Den e kuadro aki, a informá Gezaghebber, ILT, Rijkswaterstaat i Brantwer. Pa deskartá kualke duda den e kalidat di produkto di e batch konserní, Curoil a para e operashon i na mes momento a aktivá èkstra material i personal pa saka tur e produkto mesklá i hiba Kòrsou i transportá kombustibel nobo pa Boneiru. Dor di e aktuashon rápido i diligente di Curoil, e servisio na komunidat di Boneiru i tambe produkshon di koriente a keda garantisá na tur momento.

Pa por hasi deskarga di produkto na un manera safe i konforme tur regla i prosedura vigente na Boneiru, Curoil ta traha ku kontratista i partidonan spesialisá den e área aki. Na diferente momento den e proseso tin puntonan di kòntròl. Pa por determiná na ki momento den e proseso i kiko eksaktamente a okashoná e fayo ku a tuma lugá, Curoil a inisiá un investigashon interno. Curoil takomprometénayeganaklaridat den e susesoaki i no tadeskartá e posibilidatpatumapasonan legal si esakitanesesario.

Share This
error: Content is protected !!