KRALENDIJK – Bo ke traha riba bo desaroyo personal? Bo ke un nètwèrk positivo i nobo? Bo ke mehorá bo abilidatnan profeshonal den un ambiente sigur? Toastmasters ta algu pa bo! Toastmasters ta un organisashon ku un programa di edukashon personal internashonal ku ta brinda su miembronan e oportunidat pa desaroyá nan mes riba abilidatnan di liderazgo i komunikashon den un ambiente amikal. Bo por apliká tur loke bo ta siña via e programa di edukashon den tur faseta di bo bida, tantu personal komo profeshonal. Boneiru ta miembro di e organisashon internashonal aki for di 2006. Aki e promé klup di Toastmasters na Boneiru a bira realidat. Flamingo Toastmasters Club a mira lus dia 1 di yüni 2006. Flamingo Toastmasters Club ta un klup dinámiko semper ta trese diferente proyekto i fasilidatnan pa komunidat di Boneiru mira i sinti kuantu benefisio tin pa forma parti di e organisashon internashonal di Toastmasters. Diferente miembro prominente di komunidat di Boneiru a i ta hasi uso di Toastmasters, pa nan mehorá nan abilidatnan i na mes momentu amplia nan nètwèrk sosial lokal i internashonal. Flamingo Toastmasters Club ke trese e organisashon aki mas serka di kas pa tur hende, via e plataforma virtual Zoom. Aseptá e invitashon, bin sera konosí i partisipá huntu ku nos, pa nos inisiá e temporada di selebrashon 15 aña Flamingo Toastmasters Club for di e komfortabilidat di bo kas! Reservá dia 24 di aprel próksimo di 3or pa 5:30or di atardi pa bo eksperensiá un reunion edukashonal di Flamingo Toastmasters Club. Tur persona interesá na partisipá por tuma kontakto ku Vise Presidente Miembresia Fernon Koeiman DTM, na email tcflamingo@outlook.com pa bo risibí bo kódigo pa e reunion. Hasi uso di e oportunidat akí pa bo tambe eksperensiá i mira kiko Toastmasters en general i Flamingo Toastmasters Club en partikular por nifiká pa bo desaroyo. Liderazgo ta kuminsá na abo!

Share This
error: Content is protected !!