Tabata un deseo ferviente ku e asosashon di dunadó di trabou na Boneiru lo a uni i funghi komo un partido tumando asiento den e “Centraal Dialoog Bonaire”(Diálogo Sentral di Boneiru). Den e ultimo lunanan e kuater organisashonnan: Bonaire Hotel and Tourism Association (BONHATA), Bonaire Business and Employers Association (BBE), Bonaire Hospitality Group (BHG) i Bonaire Innovation and Commerce Council (BICC), a reuní intensivo riba formashon di un asosashon konhunto di dunadó di trabou.

Esaki a resultá den lantamentu di e asina yamá Business Federation Bonaire (BFB).

E kuater gruponan aki ta traha huntu den un federashon nobo ku mira riba representashon konhunto pa loke ta trata kuestionnan relatá n’e dunadó di trabou.

E partidonan aki tambe ta tuma asiento konhunto komo BFB den e “Centraal Dialoog” i tambe den konsultanan ku otro organisashonnan, kaminda e interes di e dunadó di trabou na Boneiru ta keda representá. Naturalmente, kada asosiashon ta keda operá independiente, manteniendo nan propio identidat i nan lo keda sali na defensa di interes di nan miembronan.

Ayera a firma e protokòl pa establesé BFB.

E hunta ta konsistí di:

Presidente: Luite Berkenbosch (BONHATA)

Sekretario: Nadine Emerenciana (BICC)

Tesorero: Eddy Carillo (BBE)

Vice-Presidente: Paul Coolen (BHG)

Miembro: Bas Noij (BONHATA) E fundadónan ta konvensí ku e lansamentu di BFB ta forma un paso importante den nan kolaborashon, na benefisio di mundu empresarial di un Boneiru sustenibel i próspero.

Share This
error: Content is protected !!