Resúmen
E krísìs di corona ta kousa problema pa e método kon ta komponé e Índise di preis di konsumidó (CPI) pa
Hulanda Karibense. Esaki partikularmente pasobra sierto produkto i servisionan no ta optenibel mas i
pues no tin preis tampoko pa e produkto i servisionan aki. Ademas e komportashon di kompra di
konsumidónan ta kambia i por ta mas difísil òf te asta imposibel pa opservá e preisnan korekto. E último
aki tabata e kaso na Saba na aprel 2020 durante ‘shelter in place’ i na Boneiru durante e ‘soft lockdown’
na sèptèmber 2020 i na mart 2021.
CBS, dependiendo di e situashon, a skohe pa diferente método pa apliká un preis fiktisio. Den e
dokumento aki nos ta splika dikon i kon nos ta hasi esei. E métodonan ta konforme ku loke nos ta hasi
pa e CPI hulandes oropeo. Pa e CPI hulandes oropeo nos ta sigui e instrukshonnan ku Eurostat, e ofisina
di estadístika di Union Oropeo (EU), a formulá. Pa nos usuarionan esaki ta nifiká ku tin konsistensia entre
e solushonnan pa Hulanda Karibense i Hulanda Oropeo. Basá riba e solushonnan ku a skohe p’é, na su
debido tempu e desaroyo di preis kalkulá entre e temporada despues i promé di corona lo kuadra ku
realidat.

Introdukshon
Pa e Índise di preis di konsumidó (CPI) di Hulanda Karibense nos ta balorá kada kuartal e desaroyo di
preis di tur gastu di konsumo di konsumidónan na Hulanda Karibense. CPI ta un norma importante pa
inflashon i ta indiká kon preisnan di un asina yamá makutu di kompra promedio pa kasnan di famia na
Hulanda Karibense ta desaroyá.
E krísìs di corona ta krea problema pa kompilashon di e CPI. Komo ku nos bida diario ta kambia, nos ta
gasta nos plaka di otro manera tambe: e makutu di kompra promedio ta kambia. Klupnan di deporte i
fitness tabata será, biahamentu no tabata por mas i hóreka tabata un tempu será na Saba i Sint
Eustatius den e di dos kuartal di 2020. Na nan lugá kisas nos ta kumpra mas produkto den
supermerkadonan. Ademas tabata difísil pa mensualmente opservá tur preis ku nos tin mester pa e CPI,
pasobra pa hasi esei nos mester bishitá tiendanan.
Den e tempu aki tambe ta nesesario pa nos kompilá e CPI pa nos usuarionan. Pero kiko hasi si nos no tin
òf no por kolektá preis?Den e kaso aki, pa e servisionan ku no ta kumpra mas, nos mester hasi
eskohonan ku ta tene kuenta ku e uso di e CPI. Kon nos ta hasi esei durante krísìs di corona aki, nos lo
splika den e artíkulo aki. Den kapítulo 2 nos lo bai mas den historia di e CPI i nos ta indiká kiko ta
importante ora ta usa e CPI. Despues nos ta deskribí den kapítulo 3 kua ta e problemanan ku ta surgi pa
kompilashon di CPI durante e krísìs di corona i kua solushonnan nos a skohe pa nan. Finalmente kapítulo
4 ta splika kua kategoria di gastu den e publikashon a ser mas afektá.

Dikon nos ta traha e CPI?
Un kriterio importante pa desaroyo di preisnan di konsumidó ta e kambio di e CPI den e periodo di un
aña. Nos ta kompará e nivel di preis pa e di dos kuartal di 2020 ku e nivel di preis di e di dos kuartal di

Kambionan den preis entre e kuartalnan mas ta hala mas atenshon di konsumidónan i nos ta duna
atenshon na esaki tambe.
E kambio di CPI kompará ku un aña anterior ta un kriterio importante pa inflashon. For di e CPI por saka
afó den ki grado e entrada di kasnan di famia mester subi pa por kumpra e mes produkto- i servisionan.
Pa e motibu ei ta hasi hopi uso di e CPI pa indeksashon. Si e entrada subi ku e mes porsentahe ku e CPI,
e ora ei kasnan di famia ainda por kumpra e mesun kosnan. No ta usa indeksashon solamente pa salarioòf penshunnan, pero tambe pa kontraktnan di hür i diferente otro kontraktnan ku ta sera.

Problemanan pa CPI pa motibu di krísìs di corona
Nos por distinguí tres konsekuensia di e krísìs di corona pa kompilashon di e CPI:

E komportashon di kompra di konsumidónan ta kambia manera ta kumpra sierto produktonan na
gran kantidat pa miedu di skarsedat (hamsteren);

E ta difikultá opservashon di preis òf no por tuma lugá mes;

Sierto merkansia i servisio no ta optenibel mas (akomodashonnan deportivo, klupnan di fitness,
kasino i sitionan di baile i buelonan).
E promé punto no tin efekto riba kompilashon di e CPI na e momentunan aki, pasobra nos ta sigui
desaroyo di preis di un makutu di produkto i servisio fiho. Riba término esaki lo por tin su efekto si, si e
patronchi di konsumo ta sigui kambia. Na Saba nos tabatin problema ku opservashon di preis na aprel.
Esei a kai afó pa motibu di e ‘shelter in place’ ku tabata na vigor entre 12 di aprel i 8 di mei 2020 i e ‘soft
lockdown’ na Boneiru di 21 di sèptèmber te ku 30 di sèptèmber i na mart 2021 durante e ‘lockdown’.
E falta kasi total di oferta di sierto servisionan (biahenan ku avion) ta un situashon úniko pa CPI i un
problema pa estadístika di preis. Den e siguiente párafo nos ta bai mas profundo den e konsekuensianan
ariba menshoná i kua solushon CBS a skohe.

3.1. Kambio di komportashon di kompra di konsumidónan
Na momentu di kompilashon di e CPI nos ta opservá e preisnan di un gran kantidat di merkansia i
servisio. E asina yamá makutu di kompra promedio aki ta fiho i konosé un repartishon den grupo di
merkansia (repartishon di coicop1
). Kada grupo di merkansia tin un balor i e plaka ku konsumidónan na
Hulanda Karibense gasta na nan ta determiná e balor aki. Boneiru, Sint Eustatius i Saba kada un tin nan
propio makutu i balornan i tambe nan propio opservashon di preis. E desaroyo di preis di un grupo di
merkansia ku konsumidónan ta gasta hopi plaka na dje ta konta mas ku un grupo di merkansia ku ta
gasta tiki plaka na dje. Komo ku midimentu di e desaroyo di preis ta para sentral den e CPI, no ta adaptá
e balor durante un aña kalendario. Si lo a adaptá e balornan, no ta kla mas si e resultadonan ta
konsekuensia di kambionan den e balornan òf di un kambio di preis.
Pa Hulanda Karibense a skohe pa fiha e balornan pa algun aña. E aktual balornan ta di 2013 i a kombertí
nan na e nivel di preis di 2017.
Dor di e balornan fiho, konsumo (kompra) mas òf ménos di un sierto produkto no tin direktamente un
efekto riba kompilashon di e CPI. Tampoko si den práktika esaki ta nifiká un skùifmentu di un sierto
grupo di merkansia pa un otro (manera por ehèmpel gasta ménos na fakansi i gasta mas na material di
konstrukshon òf muebel). E balornan ta fiho henter aña i ta inkorporá solamente e kambionan di preis di
kuartal pa kuartal.

1 Coicop ta para pa ‘classification of individual consumption by purpose’.
Riba término un tiki mas largu un kambio di konsumo komo konsekuensia krísìs di corona por tin efekto
si. Komo ku pa motibu di krísìs di corona e patronchi di gastamentu posiblemente a i ta kambia, esaki
den futuro lo por tin efekto riba e balornan, ora CBS bolbe adaptá esakinan. Te kon leu nos por
inkorporá e efekto aki realmente den e balornan, mester disidí ainda. Esei lo dependé tambe si e krísìs ta
dura largu i e kambionan ta mas struktural òf ku e ta dura relativamente kòrtiku i solamente ta kondusí
na un kambio temporal di e patronchi di gastamentu.

3.2.Opservashon di preis ta mas difísil òf imposibel
Na Hulanda Karibense CBS a konfrontá problema ku kolekshon di preis físiko di tienda i na Saba
partikularmente durante e ‘shelter in place’ i na Boneiru durante e ‘(soft) lockdown’.
Banda di kolekshon di preis den tienda ta kolektá preisnan tambe via internèt (online shopping) i ta pidi
hopi preis via e-mail òf telefòn (manera serka instansianan ku si tabata suministrá servisio, manera e
kompania di awa i elektrisidat). A usa e preisnan aki normal.
CBS pues tur luna ta kolektá preis pa Hulanda Karibense, pero nos ta publiká un sifra di kuartal. Kon nos
ta hasi esaki i pakiko? Pa un sierto produkto nos ta tuma e promedio pa e tres lunanan di un kuartal i ta
usa e promedio aki komo base pa komparashon di preis ku e kuartal anterior. Nos ta hasi esaki pasobra
e oferta di merkansia na Hulanda Karibense por fluktua bastante. E método aki ku CBS ta usa pa
Hulanda Karibense ya ta tene kuenta pues ku e posibilidat ku no ta tur luna por kumpra tur kos. Pero pa
motibu di krísìs di corona un parti grandi di e opservashon di preis na Boneiru i Saba a kai afó.
Pa sòru ku tòg nos por publiká un CPI ora no tin preis, pero ta bende e produktonan si, nos ta apliká
métodonan standart pa balotashon di preis ku falta (imputá). Dor di imputá un preis nos ta usa un preis
fiktisio temporalmente. Pa stipulashon di e preis fiktisio aki nos ta usa dos diferente método:

  1. Desaroyo di preis di un produkto semehante
  2. Keda mantené e último preis
    Pa e promé método nos ta asumí ku e produkto di kua nos no tin preis, probablemente tin e mes
    desaroyo di preis ku otro produktonan semehante. Si por ehèmpel nos no tin preis pa promentòn, nos
    por asumí e ora ei ku promentòn probablemente lo demostrá e mes desaroyo di preis ku e sobra otro
    berduranan.
    Por apliká e di dos método bon ora un sierto produkto òf servisio tin un kurso di preis stabil. Si den e
    opservashon e ora ei falta e preis, e ora ei ta rasonabel pa asumí ku e preis aki ainda ta meskos ku e luna
    anterior.
    Si e luna despues a bolbe opservá un preis, e ora ei nos ta bolbe usa e preis opservá aki. Esei ta konta pa
    ámbos método. Di e forma aki e nivel di preis i e desaroyo di preis kalkulá ta bolbe yega riba e nivel
    korekto despues di un imputashon, te asta si e imputashon no tabata kompletamente korekto.
    Pa Saba CBS a skohe pa mantené e preisnan di tienda di mart 2020 pa aprel, konforme e di dos método.
    Segun e mésun método, a usa e preisnan di ougùstùs pa e preisnan ku tabata falta na sèptèmber pa
    Boneiru. Pa Boneiru tabata trata mas o ménos di mitar di e preisnan ku normalmente ta opservá
    físikamente den pakus.
    Un komparashon di e resultadonan di e opservashon di preis den pakus entre mart i mei 2020 na Saba ta
    konfirmá ku esaki tabata e desishon korekto.
  3. 3.3.Oferta di servisionan ta disparsé
    Pa motibu di krísìs di corona sierto servisionan no tabata òf apénas tabata disponibel, partikularmente
    pa motibu di e medidanan di gobièrnu. Práktikamente tur pais a tuma medidanan ekstremo i esei a
    tuma lugá na Hulanda Karibense tambe. Den henter Hulanda Karibense klupnan di deporte i di fitness
    etc. tabata será durante un gran parti di e kuartal i no tabatin buelonan disponibel pa konsumidónan.
    Na Sint Eustatius tambe hóreka, ku eksepshon di ‘take-away’, tabata será di 3 di aprel te 15 di mei.
    Manera anteriormente menshoná, Saba tabatin di aber ku ‘shelter in place’ entre 12 di aprel i 8 di mei i
    Boneiru tabatin un ‘soft lockdown’ di 21 te 31 di sèptèmber 2020 i un ‘lockdown’ na mart 2021.
    Pasobra preisnan pa hopi servisio ta stabil na Hulanda Karibense nos a keda mantené e preisnan aki.
    Na momentu ku tin oferta atrobe i e konsumidónan por hasi uso di e servisionan aki atrobe, nos ta bolbe
    usa e preisnan vigente na e momentu ei. Meskos ku pa e métodonan menshoná den kapítulo 3.2 , e
    nivel aktual di preis i e desaroyo di preis kalkulá entre e periodo promé i despues di corona ta kuadra ku
    realidat. Esei ta un kondishon importante ora ta hasi uso di sierto método.
  4. Publikashon di CPI
    Kada kuartal CBS ta publiká e CPI pa kada isla na un nivel total i pa diesdos kategoria di gastu. Den esaki
    nada no ta kambia.
    Kua kategorianan di gastu a ser mas afektá?
    E di dos kuartal di 2020:
    Den luna di aprel hopi kategoria di gastu a ser afektá pa motibu ku no tabata posibel pa hasi
    opservashon físiko di preis den tiendanan. Den e siguiente kategorianan a keda mantené e preisnan:
    artíkulonan di alimentashon i bibidanan sin alkohòl, bibidanan alkohóliko i tabako; mobilario,
    aparatonan doméstiko; hóreka i diferente merkansia i servisio. Den e último kategoria aki tin tambe hopi
    merkansia i servisio pa kuido personal.
    E di tres kuartal di 2020:
    Na sèptèmber tabata trata di un parti di e opservashon na Boneiru pa e kategorianan di gastu
    komestibel i bibida sin alkohòl; bibida alkohóliko i tabako; tela, aparato doméstiko i mantenshon di kas;
    hóreka i diferente produkto i servisio. Den e último kategoria aki tambe tin produkto i servisio pa kuido
    personal.
  5. Den henter e periodo a keda mantené e último preisnan kolektá den kategoria di transporte riba tur e
    islanan, pa motibu ku buelonan a kai afó. Den e kategoria di rekreashon i kultura a keda mantené e
    último preisnan kolektá, komo ku klupnan di deporte i di fitness, ets. tabata será.
    E di kuater kuartal di 2020:
    Den henter e periodo a keda mantené e último preisnan kolektá den kategoria di transporte riba tur e
    islanan, pa motibu ku buelonan a kai afó. Den e kategoria di rekreashon i kultura a keda mantené e
    último preisnan kolektá, komo ku klupnan di deporte i di fitness, ets. tabata será.
    E di promé kuartal di 2021:
    Den henter e periodo a keda mantené e último preisnan kolektá den kategoria di transporte riba tur e
    islanan, pa motibu ku buelonan a kai afó. Den e kategoria di rekreashon i kultura a keda mantené e
    último preisnan kolektá, komo ku klupnan di deporte i di fitness, ets. tabata será.
    Na mart 2021 un parti supstansial di e opservashon di tienda na Boneiru a kai afó. Parsialmente pasobra
    e tiendanan tabata será, pero parsialmente tambe pasobra a kalkulá opservashon den e tiendanan komo
    riskante i p’esei no a hasié.
Share This
error: Content is protected !!