Kralendijk – Awor ku Boneiru ta na nivel di riesgo 4, ta hopi importante ku tur hende ta tene nan mes na reglanan di e nivel ei. Si tur hende hasi esei, por prevení un brote nobo di e vírùs, asina e departamentu di Salubridat Públiko ta laga sa. ,,Nos ta kontentuku e kantidat di infekshon a baha, i ku por a suavisá medidanan. Pero ainda falta hopi! P’esei tur hende mester tene nan mes estriktamen te awor na medidanan di nivel 4. Di e manera ei nos ta prevení un brote nobo i medida nan mas severo,” asina dòkter Marian Luinstra-Passchier di Salubridat Públiko a deklará.

Na nivel 4 hendenan por bishitá otro atrobe.Bishita ta pèrmití, esei kemèn ku habitantenan di dos kas por bishitá otro. Durante esei maksimalmente 10 adulto por bini huntu. Por lo pronto evento no ta pèrmití. I na entiero I matrimonio maksimalmente 50 hende por ta presente. Tur presente mester tene nan mes na e distansia di 1,5 meter. Den kaso di matrimonio ta bai pa e momentu ku ta kontraé matrimonio. Na nivel 4 no ta pèrmití pa tene fiesta,” asina Luinstra-Passchier a splika.   

Den restorant òf bar, maksimalmente 4 hende adulto por sinta huntu na un mesa. Tur hende tin un lugá di sinta fiho. Den e negoshi por usa 50% di kapasidat. Establesimentu nan di hóreka ta sera 22:00.” Asina Luinstra-Passchier a splika e reglanan pa hóreka.” Ta responsabilidat di gerensia pa tene su mes na reglanan. Awor ku a suavisá medidanan, tiendanan no esensial por habri atrobe. Pero ei tambe tin ku tene kuidou.

Pa kada kas di famia dos persona por bai den tiendanan no esensial. Nan mester tene distansia for di trahadó nan i otro kliente nan. Ta na gerensia di e tiendanan pa pèrkurá ku no ta bira muchu drùk paden. Dos hende di un kas di famia por bai supermarket awor. Aki tambe ta konta ku kliente nan mester tene distansia for di otroi for di personal. I ku gerensia mes mester kontrolá ku no ta bira muchu drùk.”

Por tin misa I sirbishi atrobe. Aki ta konta ku por usa 50% di kapasidat, kantamentu huntu no ta pèrmití den fase 4. Deportista nan por hasi deporte paden, ei por usa 50% di kapasidat.  No por tene evento di deporte. Fasilidat nan di deporte no mag bende bibida alkohóliko na bar.

Te asina leu ku ta posibel e konseho ta pa sigui traha na kas. Hende nan ku profeshon di kontakto manera barbero, masahista, i hende ku ta hasi manikür i pedikür por traha atrobe, nan mester bisti un tapa boka durante trabou. Pasadia pa hende grandi ta posibel atrobe pa 25% di kapasidat. Despues di fakansi skol nan ta habri kompletamente atrobe. Na skol mucha nan no mester tene distansia for di otro, tampoko na enseñansa sekundario. Adulto nan si mester tene distansia for di otro naskol, na enseñansa sekundario nan mester tene distansia for di alumno nan tambe.

Nos konseho ta: Tene bo mes na regal nan básiko, tene distansia di 1,5 meter i tosa òf nister den èlebog. Laba man regularmente ku habon. Evitá lugá ku hopi hende, pèrkurá ku airu ta pasa den kasi lugá di traha. E regal nan akí ta konta pa tur hende, pues tambe pa hende nan ku a bakuná. Ora bo tin fèrkout keda kas i yama 0800 0800 pa laga test bo,” asina Luinstra-Passchier ta bisa.

Hende nan ku no a bakuná ainda, por registrá n’e number grátis 0800 0900. Un hende ku a bakuná dos biaha, tin un chèns chikitu pa bira malu si e persona ei haña e infekshon. Mas hende bakuná, mas seif ta pa tur hende.

Share This
error: Content is protected !!