KRALENDIJK – Djaluna mainta durante di un entrevista na Radio Live 99.9 FM, Aimed Ayubi a papia ku empleadonan di e kompania JM Data Corporation bou di dje tin ‘’Caribbean Road Service”(CRS), i nan a duna informashon kon e kompania ta drai, nan ta midi i saka potret di aksidente nan i pone tur informashon di loke a pasa pa kompania di seguro nan pa atende ku e kliente i awor nan tin ekipo nan pa hasi e trabou mas miho i riba kalidat, awor tambe ku dos vehikulo nobo bon ekipa pa hasi e trabou mas profeshonal, i nan a menshona tambe ku trafiko di boneiru a bira hopi mas druk I tin hopi mas aksidente.. 2019 tabata e aña ku tabatin mas aksidente registra na boneiru. en total tabatin 1060 i na 2020 tabatin 969 aksidente registra na boneiru, den pasado nos a jega di haña 15 aksidente pa dia, na 2020 a registra 87 hende sin seguro den aksidente, e aksidente ku ta domina hopi mas awor aki ta riba parking lot. Riba kaya korona ta e kaya mas konosi pa aksidente den e ultimo tempu nan aki. Momentu di un aksidente por tuma kontakto ku e kompania ariba menshona mesora na number di telefon: 717-9292 of 24/7 riba 701-0737.E kompania JM Data Corporation tin 17 aña ta sirbi e pueblo di Boneiru.

Share This
error: Content is protected !!